sections
MORE

എന്താ ഗ്ലാമർ! ഇവൻ നാട്ടിലെ അമേരിക്കൻ താരം!

american-villa-kottayam-view
SHARE

പതിവ് കാഴ്ചകളിൽനിന്നും വേറിട്ടുനിൽക്കണം. ഇതായിരുന്നു നാട്ടിൽ വീടുപണിയുമ്പോൾ പ്രവാസിയായ പ്രദീപിന്റെ ആഗ്രഹം. അമേരിക്കൻ ശൈലിയിലുളള വില്ലകൾ പ്രദീപിന്റെ മനസ്സിൽ എന്നോ കുടിയേറിപ്പാർത്തിരുന്നു.  അങ്ങനെ കോട്ടയം മാഞ്ഞൂരിലുള്ള വീടിനു അമേരിക്കൻ ഛായ കൈവന്നു.

american-villa-kottayam

വീതി കുറഞ്ഞു പിന്നിലേക്ക് നീളത്തിൽ കിടക്കുന്ന 11 സെന്റ് പ്ലോട്ട്. ഈ വസ്തുവിന്റെ പ്രത്യേകതയ്ക്കനുസരിച്ചാണ് വീടു നിർമിച്ചത്.  ഫ്ലാറ്റ് റൂഫിനു മുകളിൽ ട്രസ് ചെയ്തു ഓടുവിരിക്കുകയായിരുന്നു. അങ്ങനെ മുകൾനിലയിൽ യൂട്ടിലിറ്റി സ്‌പേസ് ലഭ്യമാവുകയും ചെയ്തു. നേരിട്ടു വെയിൽ അടിക്കാത്തതിനാൽ ഉള്ളിൽ ചൂടും കുറവാണ്. 

american-villa-kottayam-interiors

ചാരനിറമുള്ള റൂഫിങ് ടൈലുകൾ വിരിച്ചതും ഒലിവ് ഗ്രീൻ പെയിന്റ് പുറംഭിത്തികളിൽ നൽകിയതും പുറംകാഴ്ചയിൽ വീടിനെ വേറിട്ടുനിർത്തുന്നു. കൊളോണിയൽ ശൈലിയുടെ മുഖമുദ്രയായ ഡോർമർ ജനാലകൾ പുറംകാഴ്ചയ്ക്കു ഭംഗി പകരുന്നു. ഒപ്പം ഉള്ളിലേക്ക് പ്രകാശവും ആനയിക്കുന്നു.

villa-kottayam-interior

ലിവിങ്, ഡൈനിങ്, രണ്ടു കിച്ചൻ, നാലുകിടപ്പുമുറികൾ എന്നിവ 1998 ചതുരശ്രയടിയിൽ ഉൾക്കൊള്ളിച്ചിരിക്കുന്നു. തുറസായ ശൈലിയിൽ അകത്തളങ്ങൾ ഒരുക്കിയത് കൂടുതൽ സ്ഥലലഭ്യത നൽകുന്നു. ഒപ്പം ക്രോസ് വെന്റിലേഷനും സുഗമമായി. ലിവിങ്, ഡൈനിങ് എന്നിവ ഓപ്പൺ ഹാളിന്റെ ഭാഗമായി വരുന്നു. 

american-villa-kottayam-kitchen

പ്ലൈവുഡ്+ വെനീർ ഫിനിഷിലാണ് ഓപ്പൺ കിച്ചൻ ഒരുക്കിയത്.

american-villa-kottayam-inside

പ്രധാന സ്ട്രക്‌ചറിൽ നിന്നും മാറിയാണ് കാർ പോർച്ച്. വീടിനു പുറത്തുകൂടിയാണ് ട്രസ് ഏരിയയിലേക്കുള്ള സ്റ്റെയർകെയ്സ്. ഏഴു മാസം കൊണ്ടു വീടുപണി പൂർത്തിയാക്കി. സ്ട്രക്ചറും ഫർണിഷിങ്ങും സഹിതം ഏകദേശം നാൽപ്പത്തിമൂന്നു ലക്ഷം രൂപയാണ് ചെലവായത്. 

villa-kottayam-night

വീടുപണിയുടെ ഭൂരിഭാഗം സമയത്തും ഉടമസ്ഥൻ വിദേശത്തായിരുന്നു. എന്നിട്ടും കുടുംബത്തിന്റെ ആഗ്രഹങ്ങൾ ഫലപ്രദമായി വീടിന്റെ നിർമിതിയിൽ പ്രതിഫലിച്ചിരിക്കുന്നത് ഡിസൈനറും ഗൃഹനാഥനും തമ്മിലുള്ള ആശയവിനിമയത്തിന്റെയും സഹകരണത്തിന്റെയും ഫലമാണ്.

asoke-plan

Project Facts

Location- Ettumanoor, Kottayam

Area- 1998 SFT

Plot- 11 cent

Owner- Pradeep Kurian

Designer- Ashok Churulickal

Ashok Associates

Mob- 85474 20526

Construction- Srishti Constructions

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN DREAM HOME
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA