ചെറിയ സ്ഥലത്ത് എല്ലാ സൗകര്യങ്ങളുമുള്ള വീട്
Mail This Article
സ്ഥലപരിമിതി ആഗ്രഹങ്ങൾക്ക് തടസമല്ല എന്ന് തെളിയിക്കുന്ന വിധത്തിലാണ് ചാവക്കാട് ചേറ്റുവയിലുള്ള ജിജീഷിന്റെ വീട്. ഏകദേശം എട്ടു സെന്റിൽ 2942 ചതുരശ്രഅടിയിൽ രണ്ടു നിലകളിലായി പൂർത്തീകരിച്ചിട്ടുള്ള ഈ വീട്ടിൽ വിശാലമായ നാലു കിടപ്പുമുറികൾ, ഫോർമൽ ലിവിങ്, ഫാമിലി ലിവിങ്, തീൻമേശ, അടുക്കള, മുകളിലത്തെ ലിവിങ്, പൂജ റൂം, ഹോം തിയേറ്റർ, സൂര്യപ്രകാശം താഴെ കിട്ടുന്ന വിധത്തിലുള്ള കോർട്യാർഡ് എന്നിവ ഉൾപ്പെടുത്തിയിട്ടുണ്ട്.
സമകാലീന കുടുംബ ശൈലിയെ ആസ്പദമാക്കി ആണ് വീടിന്റെ എലിവേഷൻ ഡിസൈൻ ചെയ്തിരിക്കുന്നത്. ചരിഞ്ഞ മേൽക്കൂരയ്ക്കൊപ്പം കർവ് മാതൃക കൂടി ചേർത്താണ് റൂഫിന്റെ ഡിസൈൻ. മഴക്കാലത്തു വെള്ളം കെട്ടി നിന്ന് ലീക് ചെയ്യാനുള്ള സാധ്യത തീരെ കുറവാണ് എന്നതാണ് ഈ റൂഫിന്റെ മറ്റൊരു സവിശേഷത.വീട്ടുകാരുടെ ഇഷ്ടത്തിന് മുൻതൂക്കം നൽകി വളരെ മിതമായ രീതിയിലാണ് ഇന്റീരിയർ ഫർണിഷിങ് കൊടുത്തിരിക്കുന്നത്.
അകത്തളങ്ങളിലേക്ക് ധാരാളം വെളിച്ചം ലഭിക്കുന്ന രീതിയിലാണ് വാതിലുകളും ജനാലകളും സജ്ജമാക്കിയിരിക്കുന്നത്.. സ്വീകരണമുറിയിലെ ഭിത്തിയിൽ പാനലിംഗിനോടൊപ്പം ചെയ്ത നിഷ് വർക്ക് ആകർഷണീയത വർധിപ്പിക്കുന്നു. ഡ്രോയിങ് റൂമിൽ നിന്നും നോക്കുമ്പോൾ ലിവിങ് റൂമിലുള്ള കോർട്യാർഡ് കാണുന്ന വിധത്തിലാണ് സെറ്റ് ചെയ്തിരിക്കുന്നത്.
നാലു കിടപ്പുമുറികൾ എല്ലാം തന്നെ ഡ്രസ്സ് , ബാത്റൂം എന്നീ സൗകര്യങ്ങൾ ഉൾപ്പെടുത്തിയിരിക്കുന്നു.
ഹോം തിയറ്റർ മുകളിലത്തെ നിലയിലാണ്. ഭിത്തികളിൽ വാൾ പേപ്പർ ഡിസൈനും , ജിപ്സം സീലിംഗ് നൽകി പ്രൗഢ ഗംഭീരമാക്കിയിരിക്കുന്നു. ആധുനിക രീതിയിലുള്ള അടുക്കളയിൽ മറൈൻ പ്ലൈവുഡിൽ ലാമിനേറ്റ് ഷീറ്റ് ഒട്ടിച്ചാണ് കബോർഡ് സെറ്റ് ആക്കിയത്. ഇലക്ട്രിക്ക് ഗ്രീൻ, ആഷ് കളർ മിശ്രണം ആണ് കബോർഡിൽ ഉപയോഗിച്ചിരിക്കുന്നത്.
Project Facts
Location- Chettuva, Thrissur
Area- 2942 SFT
Plot- 8 cent
Owner- Jijeesh
Design- A CUBE creators
Kodungallur, Thrissur
Ph :- 0480 2809939. +91 82 89 963973