sections
MORE

വെല്ലുവിളി നിറഞ്ഞ പ്ലോട്ട്, എന്നിട്ടും നിശ്ചയിച്ച ബജറ്റിൽ താഴെ വീട് സാധ്യമായി!

minimal-house-kollam
SHARE

കൊല്ലം ജില്ലയിലെ പത്തനാപുരത്താണ് ഈ വീട് സ്ഥിതി ചെയ്യുന്നത്. തട്ടുകളായി കിടക്കുന്ന 13 സെന്റ് പ്ലോട്ടായിരുന്നു പ്രധാന വെല്ലുവിളി. 55 ലക്ഷമായിരുന്നു പരവമാവധി ബജറ്റ് തുക. സൈറ്റ് ലെവൽ ചെയ്‌തത്‌ വീടുപണിയാൻ പോയാൽ ബജറ്റ് കയ്യിൽ നിൽക്കുകയില്ല. അങ്ങനെയാണ് പ്ലോട്ടിന്റെ നിരപ്പ് വ്യത്യാസം നിലനിർത്തിക്കൊണ്ടുതന്നെ വീടുപണിയാൻ തീരുമാനിച്ചത്.

minimal-house-kollam-elevation

സമകാലിക ശൈലിയിൽ ബോക്സ് പാറ്റേൺ നൽകിയാണ് പുറംകാഴ്ച. വൈറ്റ്, പീച്ച്, ഗ്രേ നിറങ്ങളുടെ സമ്മേളനം എലവേഷനിൽ വേർതിരിവ് നൽകുന്നു. പുറംകാഴ്ചയിൽ ചെറിയ വീട് എന്നുതോന്നിക്കുമെങ്കിലും അകത്തളങ്ങൾ വിശാലമാണ്.

minimal-house-kollam-living

പോർച്ച്, സിറ്റൗട്ട്, ഫോർമൽ ലിവിങ്, കോർട്ട്യാർഡ്, ഡൈനിങ്, കിച്ചൻ, വർക്കേറിയ, രണ്ടു കിടപ്പുമുറികൾ, അപ്പർ ലിവിങ് എന്നിവയാണ് 2500 ചതുരശ്രയടിയിൽ ഉൾക്കൊള്ളിച്ചത്. തുറസായ ശൈലിയിലാണ് അകത്തളങ്ങൾ വിന്യസിച്ചത്. ഇത് പരമാവധി സ്ഥല ഉപയുക്തതയും വെന്റിലേഷനും ഉറപ്പുവരുത്തുന്നു. അകത്തേക്ക് കയറുന്നതിനു മുന്നേ വരവേൽക്കുന്നത്  സിറ്റൗട്ടിനും കാർപോർച്ചിനും ഇടയിൽ നൽകിയ ചെമ്പകമരമുള്ള കോർട്ട്യാർഡാണ്.

മൂന്നു ലെവലുകളിലാണ് അകത്തളങ്ങൾ ചിട്ടപ്പെടുത്തിയത്. ഒന്നാമത്തെ ലെവലിൽ ഡൈനിങ്, കിച്ചൻ, കോർട്യാർഡ് എന്നിവ വരുന്നു. സ്വീകരണമുറിയും മാസ്റ്റർ ബെഡ്‌റൂമും രണ്ടാമത്തെ ലെവലിലാണ്.

minimal-house-kollam-dine

അപ്പർ ലിവിങ്, ഒരു കിടപ്പുമുറി എന്നിവ മൂന്നാമത്തെ ലെവലിൽ വരുന്നു. മൂന്ന് തട്ടുകളെയും ബന്ധിപ്പിക്കുംവിധം മൂന്ന് ലാൻഡിങ്ങിലാണ് ഗോവണി. ജിഐ പൈപ്പ് കൊണ്ടാണ് കൈവരികൾ.

minimal-house-kollam-court-stair

സ്വീകരണമുറിയോട് ചേർന്നുള്ള ക്യൂരിയോ ഷെൽഫും ജാളി പാർടീഷനും അകത്തളത്തെ ആകർഷകമാക്കുന്ന  ഒരു ഡിസൈൻ എലമെന്റായും വർത്തിക്കുന്നു.

minimal-house-kollam-living

ഊണുമുറിയിൽ നൽകിയിരിക്കുന്ന കോർട്യാർഡാണ്‌ അകത്തെ ശ്രദ്ധാകേന്ദ്രം. പർഗോള ഗ്ലാസ് നൽകിയ മേൽക്കൂരയിലൂടെ പ്രകാശം സമൃദ്ധമായി അകത്തേക്കെത്തുന്നു. നിലത്ത് പെബിളുകൾക്കൊപ്പം ഒരു ഇൻഡോർ ബാംബൂ ചെടിയും പച്ചപ്പ് നിറയ്ക്കുന്നു.

minimal-house-kollam-green

വാം ടോൺ ലൈറ്റുകൾ അകത്തളത്തിൽ പ്രസന്നത നിറയ്ക്കുന്നു. വിട്രിഫൈഡ് ടൈലാണ് നിലത്തു വിരിച്ചത്. ഫർണിച്ചറുകൾ പഴയ വീട്ടിലെ പോളിഷ് ചെയ്തെടുക്കുകയായിരുന്നു.

minimal-house-kollam-curio

മറൈൻ പ്ലൈവുഡിൽ പി.യു പെയിന്റ് ഫിനിഷിലാണ് കബോർഡുകൾ ഒരുക്കിയത്. അത്യാവശ്യ സൗകര്യങ്ങൾ മാത്രമാണ് കിടപ്പുമുറികൾ ഒരുക്കിയത്. പ്ലൈവുഡ്, വെനീർ ഫിനിഷിൽ വാഡ്രോബ് ഒരുക്കി. അറ്റാച്ഡ് ബാത്റൂം നൽകി.

minimal-house-kollam-kitchen

നിർമാണത്തിന് ചെലവായത് ഏകദേശം 48 ലക്ഷം രൂപയാണ്. നിലവിലെ ചതുരശ്രയടി നിരക്കുകൾ വച്ച് ഇത്തരമൊരു വീട് പണിയാൻ കുറഞ്ഞത് 60 ലക്ഷമെങ്കിലുമാകും എന്ന് തിരിച്ചറിയുമ്പോഴാണ് വീടിന്റെ മൂല്യം മനസിലാവുക. ചുരുക്കത്തിൽ പ്ലോട്ടിന്റെ വെല്ലുവിളികളെ സാധ്യതകളാക്കി മാറ്റിയതാണ് ഈ വീടിന്റെ വിജയം.

minimal-house-kollam-side

Project Facts

Location- Pathanapuram, Kollam

Plot- 13 cents

Area- 2500 SFT

Owner- Mariamma

Designers- Anil Prasad, Unnikrishnan, Rijo

Better Design Studio, Adoor

Mob- 9744663654

Budget- 48 Lakhs

Completion year- 2018

നിങ്ങളുടെ വീട് മനോരമ ഓൺലൈനിൽ പ്രസിദ്ധീകരിച്ചു കാണാൻ ആഗ്രഹമുണ്ടോ? നല്ല ചിത്രങ്ങളും ചിത്രങ്ങളും ചെറുവിവരണവും മൊബൈൽ നമ്പറും സഹിതം customersupport@mm.co.in എന്ന ഇമെയിൽ വിലാസത്തിലേക്ക് അയച്ചു തരൂ.  

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN DREAM HOME
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA