sections
MORE

കേരളത്തിലെ ഏത് കാലാവസ്ഥയിലും ഈ വീട് ഹാപ്പിയാണ്! കാരണമുണ്ട്; പ്ലാൻ

tropical-house-thrissur
SHARE

തൃശൂർ ഇരിങ്ങാലക്കുടയിലാണ് സിബിന്റെ പുതിയ വീട്. ധാരാളം മഴയും വെയിലും ഇടകലരുന്ന കേരളത്തിന്റെ കാലാവസ്ഥയെ പരിഗണിച്ചാണ് വീട് രൂപകൽപന ചെയ്തത്. ആദ്യകാഴ്ചയിൽ കണ്ണിലുടക്കുക ഇരട്ടി ഉയരത്തിൽ നൽകിയ ടവർ സ്ട്രക്ചറാണ്. മേൽക്കൂര ചരിച്ചു വാർത്തതും കാലാവസ്ഥയെ പരിഗണിച്ചാണ്.

tropical-house-thrissur-exterior

സിറ്റൗട്ട്, ഫോർമൽ ലിവിങ്, ഫാമിലി ലിവിങ്, ഡൈനിങ്, കിച്ചൻ, വർക്കേരിയ, നാലു കിടപ്പുമുറികൾ, ബാൽക്കണി എന്നിവയാണ് 2400 ചതുരശ്രയടിയിൽ ഉൾക്കൊള്ളിച്ചത്. തുറസായ നയത്തിലാണ് അകത്തളങ്ങൾ ഒരുക്കിയത്. അനാവശ്യ ഭിത്തികൾ വേണ്ടാത്തതിനാൽ ആ ഇനത്തിൽ ചെലവ് കുറഞ്ഞു. ഒപ്പം അകത്തളത്തിൽ വിശാലതയും ക്രോസ് വെന്റിലേഷനും ഫീൽ ചെയ്യുന്നു.

tropical-house-thrissur-hall

ഫർണിച്ചറുകൾ കസ്റ്റമൈസ് ചെയ്തു. ഫോർമൽ ലിവിങ്ങിൽ ഒരു ഷോ ഷെൽഫ് സെമി പാർടീഷനായി നൽകി. ഫാമിലി ലിവിങ്ങിൽ ടിവി ഏരിയ ക്രമീകരിച്ചു. 

tropical-house-thrissur-living

ഗോവണി ഭാഗത്ത് മൂന്നിരട്ടി ഉയരത്തിൽ സ്‌കൈലൈറ്റ് റൂഫ് നൽകി. ഇതുവഴി പ്രകാശം അകത്തേക്ക് വിരുന്നെത്തുന്നു. ഇവിടെ ഹാങ്ങിങ് ലൈറ്റുകൾ നൽകി ആകർഷകമാക്കിയിട്ടുണ്ട്. മിനിമലിസ്റ്റിക്ക് രൂപത്തിലാണ് ഗോവണി. സ്റ്റെയിൻലെസ്സ് സ്റ്റീൽ കൊണ്ടാണ് കൈവരികൾ. ഗോവണി കയറി എത്തുമ്പോൾ ചെറിയൊരു അപ്പർ ലിവിങ് സ്‌പേസ് നൽകി.

tropical-house-thrissur-stair

മുകളിലും താഴെയും രണ്ടു വീതം കിടപ്പുമുറികളാണ്. അറ്റാച്ഡ് ബാത്റൂം, വാഡ്രോബ്, ഡ്രസിങ് സ്‌പേസ് എന്നിവ നൽകി.

tropical-house-thrissur-dine

വുഡ്, വെനീർ ഫിനിഷിലാണ് കിച്ചൻ കബോർഡുകൾ. കൗണ്ടറിൽ ഗ്രാനൈറ്റ് വിരിച്ചു. സമീപം വർക്കേരിയയുമുണ്ട്.

tropical-house-thrissur-kitchen

ചുരുക്കത്തിൽ പുതിയകാല സൗകര്യങ്ങൾ ഒരുക്കുന്നതിനൊപ്പം ശ്വസിക്കുന്ന സജീവമായ അകത്തളങ്ങൾ കൂടി ഒരുക്കാൻ കഴിഞ്ഞതാണ് ഈ വീടിനെ വ്യത്യസ്തമാക്കുന്നത്.

Model

Project facts

Model

Location- Iringalakuda, Thrissur

Area- 15 cent 

Plot- 2400 SFT

Owner- Sibin KK

Architect- Isac Johnson, Ar. Minu Benny

Design Note Studio, Thrissur

Completion year- 2019

നിങ്ങളുടെ വീട് മനോരമ ഓൺലൈനിൽ പ്രസിദ്ധീകരിച്ചു കാണാൻ ആഗ്രഹമുണ്ടോ? നല്ല ചിത്രങ്ങളും ചിത്രങ്ങളും ചെറുവിവരണവും മൊബൈൽ നമ്പറും സഹിതം customersupport@mm.co.in എന്ന ഇമെയിൽ വിലാസത്തിലേക്ക് അയച്ചു തരൂ.  

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN DREAM HOME
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA