sections
MORE

കാഴ്ചയിൽ ഒരുനില, ശരിക്കും മൂന്നുനില! എന്താണ് ഈ വീടിന്റെ രഹസ്യം? പ്ലാൻ

3-storeyed-house-kattapana
SHARE

കട്ടപ്പനയ്ക്കടുത്ത് കൊച്ചുതോവാള എന്ന സ്ഥലത്താണ് മറീന ചെറിയാന്റെ പുതിയ വീട്. പുറംകാഴ്ചയിൽ ഒരുനില വീട് എന്നുതോന്നിക്കുമെങ്കിലും മൂന്നുനില വീടാണിത്. വളരെ നിരപ്പുവ്യത്യാസമുള്ള 50 സെന്റ് പ്ലോട്ടിന്റെ പരിമിതികളെ സാധ്യതകളാക്കി മാറ്റിയതാണ് ഈ വീടിന്റെ സവിശേഷത.

3-storeyed-house-kattapana-view

മൂന്നു ലെവലുകൾ ആയാണ് ഇടങ്ങൾ ക്രമീകരിച്ചത്. മൂന്ന് ലെവലും കൂടെ 2077 ചതുരശ്രയടിയിൽ ഒതുക്കി.

3-storeyed-house-kattapana-side
  • ഫാമിലി ലിവിങ്, രണ്ട് കിടപ്പുമുറികൾ  എന്നിവ ബേസ്മെന്റ് ഏരിയയിൽ വരുന്നു. 
  • ഗ്രൗണ്ട് ഫ്ലോറിൽ കാർപോർച്ച്, സിറ്റൗട്ട്, ഫോർമൽ ലിവിങ് ഏരിയ, കോർട്ട്‍യാർഡ് എന്നിവ ഉൾപ്പെടുത്തി.
  • ഫസ്റ്റ് ഫ്ലോറിൽ  ഡൈനിങ്, കിച്ചൻ, വർക്കേരിയ, രണ്ടു കിടപ്പുമുറികൾ എന്നിവ വരുന്നു.
3-storeyed-house-kattapana-court

അടിത്തറ കെട്ടാനും ഇടങ്ങൾ വിന്യസിക്കാനും സാധാരണയിലും കൂടുതൽ  പണം ചെലവായി. അതിനാൽ ഫർണിഷിങ് മിനിമൽ ശൈലിയിലാണ് ചെയ്തത്. പണം ലഭിക്കാനുള്ള അവസരങ്ങൾ എല്ലാം വിനിയോഗിച്ചിട്ടുണ്ട്.

3-storeyed-house-kattapana-gf

സമകാലിക ശൈലിയിൽ കോഫി –വൈറ്റ് നിറങ്ങൾ ചേരുന്ന ലളിതമായ പുറംകാഴ്ചയാണ് ഒരുക്കിയത്.  ലാൻഡ്സ്കേപ് ലളിതമായി മാത്രം ഒരുക്കി. ഡ്രൈവ് വേ നാച്ചുറൽ സ്റ്റോൺ ഇന്റർലോക്ക് ചെയ്തു. പരിപാലനം കുറവ് ആവശ്യമുള്ള കുറച്ചു ചെടികളും നട്ടു. മതിലും ഗെയ്റ്റുമെല്ലാം സാധാരണയിലും ഉയരം കുറഞ്ഞതാണ്.

3-storeyed-house-kattapana-lawn

ചെലവ് കുറയ്ക്കാനായി ചെയ്ത കാര്യങ്ങൾ

3-storeyed-house-kattapana-ff
  • ഫോൾസ് സീലിങ്, പാനലിങ് വർക്കുകൾ ഒന്നും ഉള്ളിലില്ല. ലൈറ്റ് പോയിന്റുകൾ നേരിട്ട് നൽകി.
  • തടിയുടെ ഉപയോഗം നിയന്ത്രിച്ചു. കട്ടിളകൾ കോൺക്രീറ്റ് കൊണ്ട് പണിതു.
  • അകത്തെ വാതിലുകളും ജനലുകളും യുപിവിസി കൊണ്ട് പണിതു.
  • ഇടത്തരം വിലയുള്ള ഫർണിച്ചർ റെഡിമെയ്ഡ് ആയി വാങ്ങി. ഫാമിലി ലിവിങ്ങിൽ പഴയ ഫർണിച്ചർ പോളിഷ് ചെയ്ത് പുനരുപയോഗിച്ചു.
3-storeyed-house-kattapana-gf

ഫോർമൽ ലിവിങ്ങിനോട് ചേർന്നുള്ള കോർട്ട്‍യാർഡാണ് വീട്ടിലെ ശ്രദ്ധാകേന്ദ്രം. മഴയും വെയിലും അകത്തേക്ക് ക്ഷണിക്കുന്ന ഓപ്പൺ റൂഫ് കോർട്യാർഡാണ്‌ ഒരുക്കിയത്. നിലത്ത് പെബിൾ വിരിച്ചു. വശത്തെ ഭിത്തിയിൽ വെർട്ടിക്കൽ ഗാർഡനും നൽകി. വീടിനുള്ളിലെ ചൂടുവായു പുറന്തള്ളുന്നതിലും വെന്റിലേഷൻ ക്രമീകരിക്കുന്നതിലും ഈ കോർട്യാർഡ് പ്രധാന പങ്കു വഹിക്കുന്നു.

3-storeyed-house-kattapana-floor

വുഡൻ ഫിനിഷുള്ള വിട്രിഫൈഡ് ടൈലാണ് പ്രധാന ഇടങ്ങളിൽ വിരിച്ചത്. സിറ്റൗട്ടിലും സ്‌റ്റെയറിലും ഗ്രാനൈറ്റ് വിരിച്ചു.

3-storeyed-house-kattapana-kitchen

മൾട്ടിവുഡിൽ ഓട്ടോപെയിന്റ് ഫിനിഷ് നൽകിയാണ് കിച്ചൻ കബോർഡുകൾ. കൗണ്ടറിൽ ഗ്രാനൈറ്റ് വിരിച്ചു. സമീപം വർക്കേരിയയുമുണ്ട്.

3-storeyed-house-kattapana-night

ഇപ്പോൾ പുറംകാഴ്ച കണ്ടു വലുതായി ഒന്നും പ്രതീക്ഷിക്കാതെ എത്തുന്ന അതിഥികൾ ബോണസ് കാഴ്ചകൾ കണ്ടു ത്രില്ലടിച്ചാണ് മടങ്ങുന്നത്. ചുരുക്കത്തിൽ പ്ലോട്ടിന്റെ പരിമിതികളെ മറികടന്നു പരമാവധി സൗകര്യങ്ങൾ, അതും പോക്കറ്റ് കൂടി കണക്കിലെടുത്ത് ഒരുക്കി എന്നതാണ് ഈ വീടിനെ ഒരു പാഠപുസ്തകമാക്കി മാറ്റുന്നത്.

3-storeyed-house-kattapana-plan

Project facts

Location- Kochuthovala, Kattappana

Plot – 50 cent

Area- 2077 sqft

Owner – Mareena Cherian

Architect – Deepak Thomas

Concreators Architecture, Kattapana

Mob- 9744253123

Year of Completion - 2018

English Summary- Three Storeyed House in Contour Plot; Plan

നിങ്ങളുടെ വീട് മനോരമ ഓൺലൈനിൽ പ്രസിദ്ധീകരിച്ചു കാണാൻ ആഗ്രഹമുണ്ടോ? നല്ല ചിത്രങ്ങളും ചിത്രങ്ങളും ചെറുവിവരണവും മൊബൈൽ നമ്പറും സഹിതം customersupport@mm.co.in എന്ന ഇമെയിൽ വിലാസത്തിലേക്ക് അയച്ചു തരൂ.  

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN DREAM HOME
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA