'അഭിനന്ദനങ്ങൾ': ഇവിടെ എത്തുന്ന അതിഥികൾ ആവർത്തിച്ചു പറയുന്നു; കാരണം...
Mail This Article
മലപ്പുറം മുണ്ടുപറമ്പിലാണ് ബിസിനസുകാരനായ ഹക്കീമിന്റെയും കുടുംബത്തിന്റെയും പുതിയ വീട്. സമകാലിക- മോഡേൺ ശൈലികൾ സമന്വയിപ്പിച്ചാണ് വീട് രൂപകൽപന ചെയ്തത്. സ്ട്രക്ചർ ഏതാണ്ട് തീരാറായപ്പോഴാണ് ഡിസൈനർ ജുമാൻ പണി ഏറ്റെടുക്കുന്നത്. സ്ലോപ്+ ഫ്ലാറ്റ് റൂഫുകൾ ഇടകലർത്തിയാണ് എലിവേഷൻ ഒരുക്കിയത്.
സിറ്റൗട്ട്, ഫോർമൽ ലിവിങ്, ഫാമിലി ലിവിങ്, ഡൈനിങ്, കിച്ചൻ, വർക്കേരിയ, നാലു കിടപ്പുമുറികൾ, അപ്പർ ലിവിങ്, ബാൽക്കണി, ഓപ്പൺ ടെറസ് എന്നിവയാണ് 2700 ചതുരശ്രയടിയിൽ ഒരുക്കിയത്.
പ്രധാനവാതിൽ തുറന്നു കയറുന്നത് ഡബിൾ ഹൈറ്റിൽ ഒരുക്കിയ ഫോർമൽ ലിവിങ്ങിലേക്കാണ്. ഇവിടെ ഭിത്തിയിൽ വോൾപേപ്പർ നൽകി ഹൈലൈറ്റ് ചെയ്തു. വുഡൻ ഫിനിഷ്ഡ് ടൈലാണ് ലിവിങ്ങിൽ വിരിച്ചത്. ഫർണിച്ചറുകൾ ഇന്റീരിയർ തീമിനു ഇണങ്ങുംവിധം ഒരുക്കി. കോമൺ ഏരിയകളിൽ വിട്രിഫൈഡ് ടൈലാണ് നിലത്തുവിരിച്ചത്. ജിപ്സം ഫോൾസ് സീലിങ്ങും എൽഇഡി ലൈറ്റുകളും അകത്തളം പ്രസന്നമാക്കുന്നു.
ഇവിടെ നിന്നും ഓപ്പൺ നയത്തിൽ ഒരുക്കിയ ഹാളിലേക്കാണ് പ്രവേശിക്കുന്നത്. ഡൈനിങ്, ഫാമിലി ലിവിങ്, സ്റ്റെയർ എന്നിവ ഹാളിന്റെ ഭാഗമായി വരുന്നു. സിഎൻസി സെമി-പാർടീഷൻ നൽകിയാണ് ഫാമിലി ലിവിങ് ഒരുക്കിയത്.
ആറു പേർക്കിരുന്നു ഭക്ഷണം കഴിക്കാൻ പാകത്തിൽ ലളിതമായ ഊൺമേശയും കസേരകളും. ഡൈനിങ് ഹാളിലെ ഒരു ഭിത്തി വേർതിരിച്ചു വാഷ് ഏരിയ ക്രമീകരിച്ചു.
മുകളിലും താഴെയും രണ്ടു വീതം കിടപ്പുമുറികൾ നൽകി. അറ്റാച്ഡ് ബാത്റൂം, സ്റ്റോറേജിന് ഫുൾ ലെങ്ത് വാഡ്രോബ് എന്നിവ മുറികളിൽ നൽകി.
അലുമിനിയം ഫാബ്രിക്കേഷനിലാണ് കിച്ചൻ ഒരുക്കിയത്. ഇൻബിൽറ്റ് ശൈലിയിൽ ഫ്രിഡ്ജ്, അവ്ൻ സ്പേസുകൾ നൽകി.
ലാൻഡ്സ്കേപ്പും പുൽത്തകിടിയും ചെടികളും ലാൻഡ്സ്കേപ് അലങ്കരിക്കുന്നു. ചുരുക്കത്തിൽ സമകാലിക- മോഡേൺ ശൈലികളുടെ നല്ല അംശങ്ങൾ സമന്വയിപ്പിച്ചു രൂപകൽപന ചെയ്തതാണ് ഈ വീടിനെ വ്യത്യസ്തമായ ദൃശ്യാനുഭവമാക്കി മാറ്റുന്നത്. വീട്ടിലെത്തുന്ന അതിഥികൾക്കും വീട് നൽകുന്ന അനുഭവത്തെക്കുറിച്ച് പറയാൻ നല്ല വാക്കുകൾമാത്രം..
Project facts
Location- Munduparambu, Malappuram
Plot- 25 cent
Area-2700 SFT
Owner- Hakkeem
Design- Asar Juman
AJ Designs, Manjeri
Mob- 9633945975
Y.C-2019
ചിത്രങ്ങൾ- അഖിൽ കോമാച്ചി
English Summary- Fusion House Malappuram Plan