പോക്കറ്റിൽ കാശും കയ്യിൽ സ്ഥലവുമില്ലേ? എങ്കിൽ ഈ വീട് നിങ്ങൾക്ക് മാതൃകയാക്കാം!

HIGHLIGHTS
  • വെറും 2.25 സെന്റിൽ 8 ലക്ഷത്തിന്, സാധാരണ കുടുംബത്തിന് സ്വപ്നവീട് സഫലമായ കഥ
8lakh-home-thrissur
SHARE

സ്ഥലപരിമിതിയെയും സാമ്പത്തികപരിമിതിയെയും അപ്രസക്തമാക്കി ഒരു ചെറുകുടുംബത്തിന്റെ ആവശ്യങ്ങൾക്കൊത്ത വീട് സഫലമായ  കഥയാണിത്. തൃശൂർ പുല്ലുവഴിയാണ് ഡേവിഡിന്റേയും കുടുംബത്തിന്റെയും ഈ വീട്. വെറും 4.5 സെന്റിൽ, പരാധീനതകൾ ഏറെയുള്ള കുടുംബവീടാണ് സ്ഥിതിചെയ്തിരുന്നത്. സ്വന്തമായി ഒരു വീടിനെക്കുറിച്ചു സ്വപ്നം സ്വപ്നം കണ്ടുതുടങ്ങുമ്പോൾ സ്വന്തമായി ഒരിഞ്ചു ഭൂമിയോ ബാങ്ക് ബാലൻസോ ഇവർക്കില്ലായിരുന്നു. അതിനു പരിഹാരം കാണാൻ പഴയ കുടുംബവീട് പൊളിച്ചശേഷം, ഉള്ള സ്ഥലം നിരപ്പാക്കി 2.25 സെന്റ് വീതമുള്ള രണ്ടു പ്ലോട്ടുകളായി തിരിച്ചു. അതിലാണ് ഈ അദ്‌ഭുതവീട് പണിതത്. വീതി കുറഞ്ഞു നീളത്തിലുള്ള പ്ലോട്ട്. വീടിന്റെ രണ്ടറ്റങ്ങൾ തമ്മിൽ വെറും 4 മീറ്ററിൽ താഴെ വീതിയാണുള്ളത് എന്ന് പറയുമ്പോൾ സ്ഥലം എത്ര ചെറുതാണെന്ന് ഓർത്തുനോക്കൂ. 

8lakh-home-thrissur-view

പെയിന്റിങ് ജോലിയാണ് ഗൃഹനാഥന്. സാമ്പത്തിക ബുദ്ധിമുട്ടുകൾക്കിടയിലും കയറിക്കിടക്കാൻ ഒരു വീട് ഇവരുടെ സ്വപ്നമായിരുന്നു. അങ്ങനെ  PMAY പദ്ധതി വഴി അപേക്ഷിച്ചു. പണി ആരംഭിച്ചു. പകുതി തുക ഇതുവഴി ലഭിച്ചു. ബാക്കി തുക വീട്ടുകാർ സ്വരുക്കൂട്ടിയും ബന്ധുക്കളും സുഹൃത്തുക്കളും സഹായിച്ചും സ്വരൂപിച്ചു.

8lakh-home-thrissur-living

ചെറിയ സിറ്റൗട്ട്, ലിവിങ്, ഡൈനിങ്, കോർട്യാർഡ്, ഒരു കിടപ്പുമുറി, കിച്ചൻ എന്നിവ മാത്രമാണ് 600 ചതുരശ്രയടി വീട്ടിലുള്ളത്. ചെറിയ വീട് എന്നാൽ സൗകര്യം കുറഞ്ഞ വീട് എന്നർഥമില്ല എന്ന് ഈ ഭവനം തെളിയിക്കുന്നു. അകത്തളങ്ങൾ നിലവാരത്തിൽ തന്നെയാണ് ചിട്ടപ്പെടുത്തിയത്. ഇടത്തരം മാർബോനൈറ്റ് ടൈലാണ് നിലത്തുവിരിച്ചത്. കുറച്ചു ഫർണിച്ചർ മാത്രമേ പുതിയതുള്ളൂ. മറ്റുള്ളവ പഴയത് പുനരുപയോഗിച്ചു.

8lakh-home-thrissur-interior

വീട്ടിൽ നിലവിലെ ടഫൻഡ് ഗ്ലാസ് മേൽക്കൂരയുള്ള കോർട്യാർഡ്, ഭാവിയെക്കരുതി രൂപകൽപന ചെയ്തതാണ്. ഭാവിയിൽ സാമ്പത്തികം വരുന്ന മുറയ്ക്ക് ഇവിടെ ഒരു സ്‌റ്റെയർ റൂം പണിയാം. അങ്ങനെ മുകൾനിലയിലും രണ്ടു കിടപ്പുമുറികളും സൗകര്യങ്ങളും കൂട്ടിച്ചേർത്ത് വിപുലീകരിക്കാനാകും.

8lakh-home-thrissur-dining

ഡൈനിങ്- കിച്ചൻ ഓപ്പൺ നയത്തിലാണ്. ഇത് ഉള്ളിൽ പരമാവധി വിശാലത തോന്നിക്കാൻ ഉപകരിക്കുന്നു. പഴയ വീട്ടിലെ ഡൈനിങ് ടേബിൾ പോളിഷ് ചെയ്ത് പുനരുപയോഗിച്ചു. വാഷ് ഏരിയ വരുന്നത് കോർട്യാർഡിലാണ്. ഡൈനിങ്ങിൽ സ്ലൈഡിങ് ഗ്ലാസ് ഡോർ വഴി ഇവിടേക്ക് പ്രവേശിക്കാം.

8lakh-home-thrissur-hall-view

സ്ട്രക്ചറും ഫർണിഷിങ്ങും സഹിതം വെറും 8 ലക്ഷം രൂപയാണ് ഈ വീടിനു ചെലവായത്. വെറും രണ്ടര മാസം കൊണ്ട് പണി പൂർത്തീകരിച്ചു എന്നുള്ളതും എടുത്തുപറയേണ്ടതാണ്. കഷ്ടപ്പാടുകൾക്കിടയിലും ഏറെക്കാലത്തെ ആഗ്രഹം പോലെ സ്വന്തമായി ഒരു കൊച്ചുവീട് സഫലമായതിന്റെ സന്തോഷത്തിലാണ് ഗൃഹനാഥനും കുടുംബവും.

8lakh-home-thrissur-court

ചെലവ് കുറച്ച ഘടകങ്ങൾ 

8lakh-home-thrissur-dine
  • ചതുരശ്രയടി കുറച്ചു പരമാവധി ഉപയുക്തത സാധ്യമാക്കി.
  • വൈറ്റ് പ്രൈമർ മാത്രമാണ് ഉള്ളിൽ അടിച്ചത്. 
  • കിച്ചൻ അലുമിനിയം ഫാബ്രിക്കേഷൻ ചെയ്തു.
  • ലൈറ്റ് ഫിറ്റിങ്ങുകൾ കുറച്ചു. ഉള്ളത് നേരിട്ടു പോയിന്റ് ചെയ്തു.
8lakh-home-thrissur-bed

Project facts

8lakh-home-thrissur-plan

Location- Pulluvazhi, Thrissur

Plot- 2.25 cent

Area- 600 Sq.ft

Owner- David

Design- Arun Joseph, Sethuram

Armarios, Thrissur

Mob- 9747704323, 9746949053

Budget- 8 Lakhs

Y.C- Apr 2021

English Summary- Kerala House Plans under 10 Lakhs for Common People; Veedu Malayalam

നിങ്ങളുടെ വീട് മനോരമ ഓൺലൈനിൽ പ്രസിദ്ധീകരിച്ചു കാണാൻ ആഗ്രഹമുണ്ടോ? നല്ല ചിത്രങ്ങളും ചിത്രങ്ങളും ചെറുവിവരണവും മൊബൈൽ നമ്പറും സഹിതം customersupport@mm.co.in എന്ന ഇമെയിൽ വിലാസത്തിലേക്ക് അയച്ചു തരൂ.  

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN DREAM HOME
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

മിന്നൽ മുരളി 2 ഉണ്ടാകും: ആദ്യമായി പ്രതികരിച്ചു ബേസിലും ടോവിനോയും| Tovino, Basil, Guru| Minnal Murali

MORE VIDEOS
FROM ONMANORAMA