ADVERTISEMENT
muhammad-ali-house-interior

അന്തരിച്ച ബോക്സിങ്  ഇതിഹാസം  മുഹമ്മദ്‌ അലിയുടെ ലൊസാഞ്ചലസിലെ ആഡംബരഭവനം വില്‍പനയ്ക്ക്. ഒന്‍പതു കിടപ്പറകളടങ്ങിയ അത്യാഡംബരഭവനത്തിന് റെക്കോര്‍ഡ്‌ വിലയാണ് ഇപ്പോളുള്ളത്. ഏകദേശം 17 മില്യന്‍ ഡോളറാണ് ഈ വീടിന്റെ വിപണിമൂല്യമായി ഇപ്പോള്‍ കണക്കാക്കുന്നത്.

01-muhammed-ali-3-clr

ഫ്രെമോന്റ് പ്ലേസ് എന്ന ഗേറ്റഡ് പ്രോപ്പര്‍ട്ടിയിൽ ആറേക്കറിലാണ് 14,000 ചതുരശ്രയടി വിസ്തീര്‍ണ്ണമുള്ള ഈ വീട് സ്ഥിതി ചെയ്യുന്നത്. മാര്‍ട്ടിന്‍ ഹെന്‍റി മോസിയര്‍ എന്ന കോടീശ്വരനാണ് പണികഴിപ്പിച്ചത്. വിഖ്യാത ആർക്കിടെക്ടായിരുന്ന ജോണ്‍ ഓസ്റ്റിനാണ് 1916 ല്‍ വീട് ഡിസൈന്‍ ചെയ്തത്. 1979ൽ മുഹമ്മദ് അലി ഈ വീട് സ്വന്തമാക്കി. തന്റെ മൂന്നാമത്തെ ഭാര്യയായിരുന്ന വേറൊണിക്ക അലിയ്ക്കും രണ്ടുമക്കള്‍ക്കുമൊപ്പം 1986 ല്‍ വേര്‍പിരിയും വരെ അദ്ദേഹം ഇവിടെയാണ്‌ കഴിഞ്ഞിരുന്നത്.

muhammad-ali-house-bed

ഒരു വലിയ ഹാള്‍ , വിശാലമായ ലിവിങ് റൂം, ബാർ, 1,016 ചതുരശ്രയടിയുള്ള  ഗസ്റ്റ് റൂം , മനോഹരമായ സ്വിമ്മിങ്  പൂൾ‍, പൂന്തോട്ടം, നിരവധി ഫൗണ്ടനുകൾ എന്നിവ അടങ്ങിയതാണ് ഈ വീട്. ലൊസാഞ്ചലസിലെ ഏറ്റവും മനോഹരമായ ഭവനം തനിക്ക് വേണമെന്ന അദ്ദേഹത്തിന്റെ മോഹമായിരുന്നു ഈ വീടിന് പിന്നില്‍.

muhammad-ali-house-dine

കാലമിത്ര കഴിഞ്ഞിട്ടും ഇന്നത്തെ കാലഘട്ടത്തിലെ നിര്‍മ്മാണശൈലികളെ പോലും വെല്ലുവിളിക്കുന്ന തരത്തിലാണ് അന്ന് അദ്ദേഹം തന്റെ ഭവനം നിര്‍മ്മിച്ചതെന്ന് ഈ വീടിന്റെ ഓരോ മുക്കും മൂലയും വിളിച്ചു പറയും. 2016 ല്‍ മുഹമ്മദ്‌ അലി മരണമടഞ്ഞതോടെയാണ് ഈ വീട് വില്‍ക്കാന്‍ അദ്ദേഹത്തിന്റെ അനന്തരാവകാശികള്‍ തീരുമാനിച്ചത്.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com