sections
MORE

ചിത്രകഥകളിൽ മാത്രമല്ല, ശരിക്കും ഇങ്ങനെ ഒരു വീടുണ്ട്!

shoe-house-newzealand
ചിത്രങ്ങൾക്ക് കടപ്പാട്- സമൂഹമാധ്യമം
SHARE

പലരും ചെറുപ്പത്തിൽ കഥാപുസ്തകങ്ങളിൽ മാത്രം കണ്ടിട്ടുള്ള ഒന്നാണ് ഷൂവിന്റെ ആകൃതിയിലുള്ള വീട്. എന്നാൽ ആ ഫെയറി ടെയിൽ വീടിനെ അനുസ്മരിപ്പിക്കുന്ന ഒരു റിയൽ വീട് ലോകത്തുണ്ട്. അങ്ങ് ന്യൂസീലന്‍ഡിലെ സൗത്ത് ഐലന്‍ഡില്‍. 

സ്റ്റീവ് -ജൂഡി ദമ്പതികള്‍ വീട് പണിയാൻ തുടങ്ങുമ്പോൾ ഒരു കാര്യം മനസ്സില്‍ കരുതിയിരുന്നു. ആര് കണ്ടാലും ഒന്ന് അത്ഭുതപ്പെടുന്ന വീടാകണം തങ്ങളുടേത് എന്ന്. അങ്ങനെ ആ സ്വപ്നം പൂര്‍ത്തിയായത് ഒരു ഷൂവിന്റെ ഷേപ്പില്‍ ആയിരുന്നു. 

shoe-house-newzealand-bed

പുറമെ നിന്നും കാണുന്ന പോലെ തന്നെ ഉള്ളിലും ഒരു ഫെയറി ടെയില്‍ വീടിനെ അനുസ്മരിപ്പിക്കുന്ന ശൈലിയിലാണ് ഈ വീട് ഒരുക്കിയിട്ടുള്ളത്. ഫയര്‍ പ്ലേസ്, അടുക്കള, ബാത്ത്റൂം , ലിവിങ് റൂം ,കിടപ്പറ എന്നിവ ഉള്ളിലുണ്ട്. വീടിനുള്ളില്‍ മുഴുവനും വുഡ് വര്‍ക്ക്‌ ആണ് ചെയ്തിരിക്കുന്നത്. ഇത് ശരിക്കും ഒരു പഴമ വീടിനുള്ളില്‍ നല്‍കുന്നുണ്ട്. 

shoe-house-newzealand-inside

സോളർ പാനൽ വഴിയാണ് വീട്ടിലേക്ക്  ആവശ്യമായ ഊര്‍ജ്ജം ഇവർ ഉൽപാദിപ്പിക്കുന്നത്. മുകളിൽ മഴവെള്ള സംഭരണിയുമുണ്ട്.

shoe-house-newzealand-interior

വീടിന്റെ പുറംമോടി കണ്ടു ലക്ഷങ്ങള്‍ മുടക്കിയാണ് നിര്‍മ്മാണം എന്ന് കരുതിയെങ്കില്‍ തെറ്റി. വെറും 1,000 ഡോളര്‍ മാത്രമാണ് ഈ ഷൂ വീടിന്റെ ചിലവ്. അതായത് ഏകദേശം എഴുപതിനായിരം രൂപ!

shoe-house-newzealand-back

വളരെ പെട്ടെന്നുതന്നെ ഷൂ വീട് ലോകമെങ്ങും പ്രശസ്‌തമായി. നിരവധി ആളുകൾ ഇപ്പോൾ വീട് കാണാൻ എത്തുന്നു. ശരിക്കും ഒരു എക്കോ ഫ്രണ്ട്ലി വീട് വേണം എന്ന സ്റ്റീവിന്റെയും ജൂഡിയുടെയും മോഹം കൂടിയാണ് ഇതിലൂടെ പൂര്‍ത്തിയായത്. 

English Summary- Shoe Shaped Fairy Tale House

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN FIRST SHOT
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA