sections
MORE

ഇത് ലോകത്തിലെ ഏറ്റവും വലിയ 3D പ്രിന്റഡ് കെട്ടിടം! വിസ്മയമൊരുക്കി ദുബായ്

apis-cor-3d-building
ചിത്രങ്ങൾക്ക് കടപ്പാട്- സമൂഹമാധ്യമം
SHARE

നിർമാണ വിസ്മയങ്ങളുടെ കലവറയായ ദുബായിൽ അദ്ഭുതങ്ങൾ തുടരുകയാണ്. ലോകത്തിലെ ഏറ്റവും വലിയ 3D പ്രിന്റഡ് ബില്‍ഡിംഗ് കോളനി ദുബായില്‍ പൂർത്തിയായി. 31 അടി നീളത്തില്‍ 6,900 ചതുരശ്രയടിയാണ് ഈ രണ്ടുനില കെട്ടിടം. 

ഒരു 3D പ്രിന്റർ ഉപയോഗിച്ചാണ് കെട്ടിടത്തിന്റെ ബേസിക് സ്ട്രക്ചർ  നിർമിച്ചിരിക്കുന്നത് എന്നതാണ് ഹൈലൈറ്റ്. Apis Cor 3D-printer ഉപയോഗിച്ചാണ് കെട്ടിടത്തിന്റെ മൊത്തം ഡിസൈനും ചെയ്തിരിക്കുന്നത് . നീക്കാൻ കഴിയുന്ന Apis Cor's 3D-printer ക്രെയിനിന്റെ സഹായത്തോടെ ആണ് നിർമാണം.  ദുബായ് മുനിസിപ്പാലിറ്റിക്ക് വേണ്ടിയാണ് ഈ കെട്ടിടം നിര്‍മ്മിച്ചിരിക്കുന്നത്.  മൂന്നാഴ്ച കൊണ്ടാണ് ഈ പ്രോജെക്റ്റ്‌ പൂര്‍ത്തിയായത്‌. 

നിർമാണരീതി

ആദ്യമേ വീടിന്റെ 3D ഫ്രെയിംവർക്ക് ഉണ്ടാക്കുന്നു.  

പരമ്പരാഗത ശൈലിയിൽ അടിത്തറ കെട്ടുന്നു.

ജിപ്സം പാനലുകൾ ഉപയോഗിച്ച് 3 D പ്രിന്റർ  നിർമിച്ച ഭിത്തികൾ കൊണ്ടുവന്നു നാട്ടുന്നു. പ്രീകാസ്റ്റ് സ്ലാബുകളും ഉപയോഗിച്ചിട്ടുണ്ട്. 

സാദാ വീടുകൾ പോലെ ആവശ്യമെങ്കിൽ ഫർണിഷിങ്, വയറിങ്, പ്ലംബിങ് ചെയ്യുന്നു.

apis-cor-3d-building-view

മനുഷ്യമേൽനോട്ടം വേണമെങ്കിലും അധ്വാനം നന്നായി കുറയ്ക്കാമെന്നതും അപ്പം ചുടും പോലെ വീടുകൾ പ്രിന്റ് ചെയ്തെടുക്കാം എന്നതുമാണ് ഇതിന്റെ നേട്ടങ്ങൾ. കെട്ടിട നിർമാണത്തിൽ ഭാവിയുടെ സാങ്കേതിക വിദ്യയായിട്ടാണ് 3 D  പ്രിന്റിങ് വിലയിരുത്തപ്പെടുന്നത്. 3D വീടുകളുടെ നിർമാണത്തിലൂടെ ആഗോളപ്രശസ്തി നേടിയ കമ്പനിയാണ് എപ്പിസ് കോര്‍. 

English Summary- Largest  3 D Printed Building in Dubai

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN FIRST SHOT
SHOW MORE
FROM ONMANORAMA