ഇനിയിത് ഈ നാട്ടിലെ ഏറ്റവും വലിയ കെട്ടിടം; പിന്നിൽ ഒരു വനിത
Mail This Article
ദക്ഷിണാഫ്രിക്കയിലെ ജോഹന്നാസ്ബര്‍ഗില്‍ ഈ വർഷം ഉദ്‌ഘാടനം ചെയ്യുന്ന 55 നില കെട്ടിടം ഇനി അറിയപ്പെടുക ആഫ്രിക്കയിലെ ഏറ്റവും ഉയരം കൂടിയ കെട്ടിടം എന്നാകും. 'ദി ലിനാര്‍ഡോ' എന്ന ഈ കെട്ടിടം 745 അടി ഉയരത്തിലാണ് നിലകൊള്ളുന്നത്‌.
ആഫ്രിക്കയുടെ അഭിമാനം എന്ന് മാത്രമല്ല ഒരു വനിത ഡിസൈന്‍ ചെയ്ത കെട്ടിടം എന്ന ഖ്യാതിയും ഇതിനു പിന്നിലുണ്ട്. കടകള്‍ , ഹോട്ടല്‍ മുറികള്‍ , റസ്റ്ററന്റുകൾ എന്നിവ ഇതിലുണ്ടാകും. സൂപ്പര്‍ സ്ട്രോങ്ങ്‌ ബില്‍ഡിങ് മെറ്റീരിയല്‍ ആയ Dekton ഉപയോഗിച്ചാണ് ഈ കെട്ടിടത്തിന്റെ നിര്‍മ്മാണം.
27 കാരിയായ മലീക്ക വലീലയാണ് ഈ കെട്ടിടം ഡിസൈന്‍ ചെയ്ത ആര്‍ക്കിടെക്റ്റുമാരിൽ പ്രധാനി. താനീ കെട്ടിടത്തിന്റെ നിര്‍മ്മാണഘട്ടത്തില്‍ ഒരുപാട് പ്രതിസന്ധികള്‍ നേരിട്ടിരുന്നു എന്നും എന്നാല്‍ ഇന്ന് അതില്‍ ഏറെ അഭിമാനിക്കുന്നു എന്നും മലേക്ക അടുത്തിടെ ഒരു രാജ്യാന്തരമാധ്യമത്തിന് നല്‍കിയ അഭിമുഖത്തില്‍ പറഞ്ഞിരുന്നു.
English Summary- Tallest Building in Africa
