ലോകത്തെ ഏറ്റവും വലിയ ഹൈബ്രിഡ് ടിമ്പർ ടവർ വരുന്നു!

ലോകത്തിലെ ഏറ്റവും ഉയരം കൂടിയ  ഹൈബ്രിഡ് ടിമ്പര്‍ ടവര്‍ സിഡ്നിയില്‍ ഒരുങ്ങുന്നു . അറ്റ്‌ലാസിയാന്‍ എന്ന ഐടി കമ്പനിയുടെ ഹെഡ് ക്വാർട്ടേഴ്സ് ആണ് ഇവിടെ ഉയരുക. ഭാവിയിലെ അംബരചുംബികളുടെ നിർമാണ വിദ്യ ഇതാകും എന്നാണ് നിർമാണരംഗത്തുള്ള വിദഗ്ധർ പ്രവചിക്കുന്നത്.

40നിലകളുള്ള ഈ കെട്ടിടത്തില്‍ മുഴുവനും നാച്ചുറല്‍ വെന്റിലേഷന്‍ ആണ്. സാധാരണ നിര്‍മ്മാണപ്രവര്‍ത്തനങ്ങളെ അപേക്ഷിച്ച് കാര്‍ബണ്‍ ഫുട്പ്രിന്റ്‌ പരമാവധി കുറച്ചാണ് ഈ കെട്ടിടം നിര്‍മ്മിക്കുന്നത്. 100% സോളര്‍ ഊര്‍ജ്ജം ഉപയോഗിച്ചാണ് വൈദ്യുതി ഉൽപാദനം. 

Mass Timber Construction (MTC)എന്ന ടെക്നിക് ആണ് ഈ നിര്‍മാണത്തിനായി ഉപയോഗിച്ചിരിക്കുന്നത്. സ്റ്റീലിൽ പുറംചട്ട നിർമിച്ചശേഷം പ്രകൃതിസൗഹൃദ ഉപാധികൾ കൊണ്ടാണ് ചുവരുകൾ നിർമിക്കുക . 2025ല്‍ പൂര്‍ത്തിയാകുന്ന ഈ കെട്ടിടം സിഡ്നി സെന്‍ട്രല്‍ സ്റെഷന് അടുത്താണ് സ്ഥിതി ചെയ്യുന്നത്. നിലവില്‍ ഏറ്റവും ഉയരം കൂടിയ ടിമ്പര്‍ കെട്ടിടം പതിനെട്ടു നിലയുള്ളതാണ്. നോര്‍വേയിലാണ് ഇതുള്ളത്. 

English Summary- Largest Hybrid Timber Tower in Sydeny