35 കിടപ്പുമുറികൾ, 26 ബാത്റൂമുകൾ! ഈ രാജ്യത്തെ ഏറ്റവും വിലപിടിപ്പുള്ള വീട് വില്‍പനയ്ക്ക്; വിലയോ!

35 മുറികളുള്ള സിലിക്കണ്‍ വാലിയിലെ ഏറ്റവും വിലപിടിപ്പുള്ള വീട് വില്‍പനയ്ക്ക്. ചരിത്രത്തിലെ തന്നെ ഏറ്റവും മോഹവിലയാണ് ഈ വീടിനുള്ളത്‌. അതായതു ഏതാണ്ട് 135 മില്യന്‍ ഡോളര്‍. അതായത് ഏകദേശം 1011 കോടി രൂപ! 74 എക്കറിലാണ് 35 കിടപ്പറകളും 26 ബാത്ത്റൂകളുമുള്ള വീട്. 

23,900 ചതുരശ്രയടിയാണ് ഈ വീടിന്റെ വലുപ്പം. സിലിക്കണ്‍ വാലി വുഡ് സൈഡിലെ ഈ വീട് ഗ്രീന്‍ ഗേബിള്‍സ്  എന്നാണ് അറിയപ്പെടുന്നത്. അഞ്ചു തലമുറകളായി ഒരു കുടുംബത്തിന്റെ വകയാണ് ഈ വീടും വസ്തുവും. 

മൊത്തം ഏഴു വീടുകള്‍ ആണിവിടെ ഉള്ളത്. മൂന്നു വലിയ പൂളുകള്‍ , ടെന്നീസ് കോര്‍ട്ട് , ഗെയിം റൂം, ട്രീ ഹൗസ് എല്ലാം അടങ്ങിയതാണ് ഈ വസ്തു. രണ്ടു പ്രൈവറ്റ് റോഡുകള്‍ ഈ വീട്ടിലേക്ക് മാത്രമായി ഉണ്ട് . ഒപ്പം റെയില്‍ പാതയും. ഏതായാലും സിലിക്കൺ വാലിയിലെ റിയൽ എസ്‌റ്റേറ്റ് വ്യവസായത്തെ ചൂടുപിടിപ്പിച്ചിരിക്കുകയാണ് ഈ വീടിന്റെ വിൽപന വാർത്ത.

English Summary- Expensive House in Silicon Valley Sold