Manoramaonline.com no longer supports Internet Explorer 8 or earlier. Please upgrade your browser.  Learn more »

വീട് ഒരുക്കാം; ഇതാണ് പുതിയ ട്രെൻഡ്സ്!

interior-home-decor വീട് അണിയിച്ചൊരുക്കുന്നതിലെ പുതിയ ട്രെൻഡുകൾ പരിചയപ്പെടാം...

∙ മിനിമലിസ്റ്റിക് ശൈലിയാണ് ഫർണിച്ചറിലും ഇപ്പോൾ ട്രെൻഡ്. തടിയാണെങ്കിലും ഡിസൈനുകൾ ഒന്നുമില്ലെങ്കിൽ ഏതുതരത്തിലുള്ള ഇന്റീരിയറിലേക്കും യോജിക്കും. ഭാവിയിൽ ഇന്റീരിയർ മാറ്റം വരുത്തുമ്പോഴും ഈ ഫർണിച്ചർ മാറ്റേണ്ടിവരില്ല. അപ്ഹോൾസ്റ്ററി മാത്രം മാറ്റിയാൽ മതി.

∙ പണ്ട് വീടുകളുടെ ചുവരുകളിൽ ബ്ലാക്ക് ആൻഡ് വൈറ്റ് ഫോട്ടോകൾ വയ്ക്കുന്നത് സാധാരണയായിരുന്നു. ആ ഫാഷൻ മടങ്ങിവന്നിരിക്കുന്നു. ഒരു ഭിത്തി ബ്ലാക്ക് ആൻഡ് വൈറ്റ് ഫോട്ടോകൾക്ക് മാറ്റിവയ്ക്കുന്നത് വ്യത്യസ്തത നൽകും.

∙ ഭിത്തിയിൽ ആർട്പീസുകളും ഫോട്ടോകളും തൂക്കുന്നത് ‘ഐ ലെവലി’ൽ ആകാൻ ശ്രദ്ധിക്കുക. തറനിരപ്പിൽനിന്ന് ഏകദേശം 58 ഇഞ്ച് ഉയരത്തിൽ ചിത്രങ്ങൾ വച്ചാണ് ആർട് ഗാലറികളും മ്യൂസിയങ്ങളും കണ്ണുകളുടെ ശ്രദ്ധ പിടിച്ചുപറ്റുന്നത്.

∙ ഒന്നാംതരം തടിയാണെന്ന അവകാശവാദം ഉന്നയിച്ച് ആയുസ്സു കുറഞ്ഞ തടികൊണ്ടുള്ള ഫര്‍ണിച്ചർ വിൽക്കുന്നതു സാധാരണയാണ്. നേരിട്ട് തടി കണ്ട് ബോധ്യപ്പെട്ടതിനുശേഷം മതി പോളിഷിങ് എന്ന് ഫർണിച്ചർ നിർമിക്കുന്നവരോട് നേരത്തേ പറയുക.

∙ പോളിഷ് ചെയ്തിട്ടുണ്ടെന്ന് തിരിച്ചറിയാനാകാത്ത വിധത്തിലുള്ള മാറ്റ്, സാറ്റിൻ ഫിനിഷുകൾ ആണ് ഇപ്പോൾ മിക്കവരും ആവശ്യപ്പെടുന്നത്. അതിൽതന്നെ സാറ്റിൻ ഫിനിഷിന് ഡിമാൻഡ് കൂടും.

∙ കലാമൂല്യമുള്ള കണ്ണാടികൾ ആർട്പീസ് കൂടിയാണ്. മുറിയിൽ ഒരു പെയിന്റിങ്ങിനു പകരം ഇത്തരമൊരു കണ്ണാടി ഉപയോഗിക്കാം.

∙ പഴയ സിംഗിൾകോട്ട്, അപ്ഹോൾസ്റ്ററി ചെയ്ത് സോഫയാക്കി മാറ്റാം. കോട്ടിന്റെ ഹെഡ്ബോര്‍ഡ് ഉപയോഗിച്ച് സോഫയുടെ ചാര് ഉണ്ടാക്കാം. ഹെഡ്ബോര്‍ഡിന് ഉയരം കുറവാണെങ്കിൽ ഹാൻഡ്റെസ്റ്റ് ആക്കാം.

∙ പിത്തള, ഓട്, ഗ്ലാസ്, ഒനിക്സ്, അക്രിലിക് ഇതൊക്കെയാണ് വാഷ്ഏരിയയിലേക്കുള്ള വാഷ്ബേസിനിലെ പുതിയ മെറ്റീരിയലുകൾ. സ്വന്തം ക്രിയേറ്റിവിറ്റി ഉപയോഗിച്ച് പാത്രങ്ങളും മറ്റും തുളച്ചും വാഷ്ബേസിൻ ഉണ്ടാക്കാം.

∙ മുറിക്ക് കൂടുതൽ വലുപ്പം തോന്നിക്കാൻ വലിയ നിലക്കണ്ണാടികൾക്കു സാധിക്കും.

∙ ഭിത്തി മുഴുവനായി നിറഞ്ഞുനിൽക്കുന്ന, എംബ്രോയ്ഡറി ചെയ്ത തുണി അല്ലെങ്കിൽ കാൻവാസ് ആണ് ടാപ്സ്ട്രി (Tapestry). ഇത്തരത്തിൽ ഭിത്തി ഹൈലൈറ്റ് ചെയ്യുന്നത് ട്രെൻഡ് ആണ്.

∙ കബോർഡ് അല്ലെങ്കിൽ ബുക്ക്ഷെൽഫ് മങ്ങിത്തുടങ്ങിയാൽ അതിന്റെ വശങ്ങളിലും മുൻ ഭിത്തിയിലും മാത്രം കടും നിറം നൽകി ശ്രദ്ധേയമാക്കാം.

കടപ്പാട്: അനു അലക്സാണ്ടർ

ട്രോവ്, കാ‍ഞ്ഞിരപ്പള്ളി

trovein@gmail.com

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.