നാരങ്ങയും ഉപ്പും കൊണ്ട് ഇങ്ങനെയും ചില കാര്യങ്ങളുണ്ട്; അറിയാമോ?
Mail This Article
ഉപ്പില്ലാത്ത ഒരു കറിയെ പറ്റി ചിന്തിക്കാന് സാധിക്കുമോ? അത്രത്തോളം നമ്മുടെ ജീവിതത്തില് ഉപ്പിനു പ്രാധാന്യം ഉണ്ട്. എന്നാല് പാചകത്തിന് മാത്രമാണോ നമ്മള്ക്ക് ഉപ്പു കൊണ്ട് ഉപയോഗം? അല്ല , വേറെയും ചില ഉപയോഗങ്ങള് ഉപ്പു കൊണ്ട് ഉണ്ടെന്നു അറിയാമോ ?
തുരുമ്പ് കളയാന് - ഇരുമ്പ് വസ്തുക്കളിലെ തുരുമ്പ് കളയാന് ഉപ്പു കൊണ്ട് സാധിക്കും. ഇരുമ്പ് പിടിച്ചിരിക്കുന്ന വസ്തുക്കളില് ഉപ്പ് ഉപയോഗിച്ച് കഴുകി ഉരച്ചു നോക്കൂ, ഇരുമ്പിന്റെ അംശം പോകുന്നത് കാണാം.
തുണികളിലെ ദുർഗന്ധം- തുണികളില് ഈര്പ്പം തട്ടിയുള്ള മണം ഒഴിവാക്കാന് ഉപ്പും നാരങ്ങാ നീരും പേസ്റ്റ് രൂപത്തിലാക്കി തുണികളില് പുരട്ടി വച്ച ശേഷം തുണികള് വെയിലത്ത് വിരിക്കാം.
ഉറുമ്പും പ്രാണികളും - തറയിലെ ഉറുമ്പിനെയും പ്രാണികളെയും ഓടിക്കാന് തറ തുടയ്ക്കുന്ന വെള്ളത്തില് അല്പ്പം ഉപ്പു ചേര്ത്ത ശേഷം തറ തുടയ്ക്കാം.
മെഴുക്ക് കളയാന് - പാത്രങ്ങളിലെ മെഴുക്ക് കളയാന് പാത്രത്തില് ഉപ്പ് ഇട്ട് വെള്ളമൊഴിച്ച് വച്ചാല് മതി. ശേഷം ഇവ കഴുകി കളയാം.
ഷൂവിലെ ഗന്ധം - ഷൂവിലെ മണം കളയാന് ഷൂവില് ഉപ്പു വിതറിയാല് മതി. ഉപ്പു ഈര്പ്പത്തെ വലിച്ചെടുക്കുകയും ഷൂവിലെ മണം കളയുകയും ചെയ്യും.
സിങ്കില് മണം- സിങ്കില് മാലിന്യം കെട്ടി കിടന്നുള്ള മണം കളയാന് അര കപ്പ് ഉപ്പ് സിങ്കിലിട്ട് തണുത്ത വെള്ളമൊഴിച്ച് കൊടുത്താല് മതി.
****
ഒരു പഴം മാത്രമല്ല ഔഷധസസ്യം കൂടിയാണ് നാരങ്ങ എന്ന് അറിയാമല്ലോ. ആരോഗ്യത്തിനും സൗന്ദര്യത്തിനും ഒരു പോലെ സംരക്ഷണം നല്കുന്നു എന്നതാണ് നാരങ്ങയുടെ സവിശേഷത. എന്നാല് ഇത് മാത്രമല്ല നാരങ്ങയുടെ ഉപയോഗങ്ങള് എന്നറിയാമോ ? എങ്കില് കേട്ടോളൂ വേറെയും പല ഉപയോഗങ്ങള് നാരങ്ങയ്ക്കുണ്ട്.
കീടനാശിനി കളയാന്- പഴങ്ങളിലും പച്ചക്കറികളിലും ഉള്ള കീടനാശിനി കഴുകി കളയാന് നാരങ്ങയ്ക്ക് സാധിക്കും. പഴങ്ങളും പച്ചക്കറികളും വെറുതെ വെളളമൊഴിച്ചു കഴുകുന്നതിനു പകരം ആ വെളളത്തില് കുറച്ച് നാരങ്ങ നീരൊഴിച്ച് കഴുകുക.അവയിലെ വിഷാംശം കളയാന് ഇത് ധാരാളം.
ഉറുമ്പിനെ തുരത്താം - വീടുകളില് ഇടക്കിടെ ഉണ്ടാകുന്ന ഉറുമ്പ് ശല്യത്തിന് പരിഹാരമാണ് നാരങ്ങ എന്നറിയാമോ? നാരങ്ങയിലെ സിട്രിക് ആസിഡ് ഉറുമ്പുകളെ ഓടിക്കും. അതുപോലെ തന്നെ ചെള്ളിന്റെ ശല്യത്തിനും നാരങ്ങ പ്രതിവിധിയാണ്.
ബാത്റൂം തിളങ്ങാൻ- അഴുക്ക് പിടിച്ച ബാത്ത്റൂമുകള് വൃത്തിയാക്കാന് നാരങ്ങ ധാരാളം. ബാത്ത്റൂമിലെ വഴുവഴുപ്പും അഴുക്കും കളയാന് കുറച്ച് ഉപ്പും നാരങ്ങയും പ്രയോഗിച്ച് നോക്കൂ. വളരെ നല്ല മാറ്റം ലഭിക്കും.
ചോപ്പിങ് ബോര്ഡ് - പച്ചകറികളും മറ്റും അറിയുന്ന ചോപ്പിങ് ബോര്ഡില് അണുക്കള് ധാരാളം ഉണ്ട്. ഇവയ്ക്ക് പരിഹാരം ആണ് നാരങ്ങ. ഒരു നാരങ്ങ മുറിച്ചു ചോപ്പിങ് ബോര്ഡ് തുടച്ചു വച്ചുനോക്കൂ. അവ നന്നായി വെട്ടി തിളങ്ങും.
പാത്രത്തിലെ കറ- പാത്രങ്ങളില് കാണുന്ന വെള്ള കറ നാരങ്ങ കൊണ്ട് നീക്കം ചെയ്യാം. അടുക്കളയില് പാത്രങ്ങള് വെളളവുമായുളള നിരന്തര സംസര്ഗത്തില് പാത്രത്തില് കാല്സ്യം കാര്ബണേറ്റ് അടിഞ്ഞ് ഉണ്ടാവുന്നതാണിത്. നാരങ്ങയുടെ അംമ്ല സ്വഭാവം ഇത്തരം വെളുത്ത പാടുകള് തുടച്ചു നീക്കുന്നു.
English Summary- Features of Lemon in Home Cleaning