sections
MORE

വീട്ടിൽ എലിശല്യം തടയാം; ചില പ്രായോഗികവഴികൾ

rats-at-kitchen
SHARE

വീട്ടമ്മമാരുടെ പ്രധാന ശത്രുവാണ് എലി. ഭക്ഷണ സാധനങ്ങൾ കരണ്ടു നശിപ്പിക്കുന്നത് മാത്രമല്ല മാരകമായ പല രോഗങ്ങളും പരത്തുന്നതില്‍ എലിക്ക് പങ്കുണ്ട് എന്ന് ഏവർക്കും അറിവുള്ള കാര്യമാണ്. എന്നാല്‍ എന്താണ് എലിയെ തുരത്താനുള്ള ഫലപ്രദമായ മാർഗങ്ങൾ?

പരിസര ശുചിത്വം- വീടും പരിസരവും വൃത്തിയാക്കി സൂക്ഷിക്കുന്നതും പഴയ വസ്തുക്കള്‍ കുന്നുകൂടി കിടക്കാതെ നോക്കുന്നതും എലിയെ തുരത്താനുള്ള ഒരു മാര്‍ഗ്ഗമാണ്. വൃത്തിഹീനമായ സാഹചര്യങ്ങളില്‍ ആണ് എലികള്‍ പെരുകുന്നത്. പഴയ ഫര്‍ണിച്ചറുകള്‍, പുസ്തകങ്ങള്‍ , മാലിന്യങ്ങള്‍ എന്നിവ വീട്ടിലും പരിസരത്തും കിടക്കാതെ നോക്കുക.

പുതിന- കര്‍പ്പൂരതുളസി തൈലം അഥവാ പുതിനയില തൈലത്തിന്‍റെ ശക്തമായ ഗന്ധം ശ്വസിക്കാന്‍ എലികള്‍ക്കാവില്ല. അതുപോലെ പുതിന ചെടി വീടിന്റെ ജനലുകള്‍ക്കും സമീപവും വാതിലുകള്‍ക്ക് അരികിലും നടുക. കര്‍പ്പൂരതുളസി തൈലം വീടിന്റെ വശങ്ങളിൽ തുണികളില്‍ മുക്കി വയ്ക്കുന്നതും ഗുണം ചെയ്യും. 

പൊത്തുകളും മാളങ്ങളും- വീടിനോട് ചേര്‍ന്ന് പൊത്തുകളും മറ്റും ഉണ്ടെങ്കില്‍ ഇതിനുള്ളില്‍ എലി കയറി ഇരിക്കും. അതുപോലെ വാതിലുകള്‍ക്ക് വിടവുകള്‍ ഉണ്ടെങ്കില്‍ അത് അടയ്ക്കുക.  

പാറ്റഗുളിക- എലികളെ ഓടിക്കാനുള്ള മറ്റൊരു മാര്‍ഗ്ഗമാണ് പാറ്റഗുളിക. ഇതിന്റെ ഗന്ധം എലികള്‍ക്ക് ഇഷ്ടമല്ല. 

എലിക്കെണി- മലയാളികൾക്ക് ഏറ്റവും പരിചയമുള്ള രീതിയാണ് ഇത്. എലിയെ ആകർഷിക്കുന്ന ഭക്ഷണം പെട്ടിക്കുള്ളിൽ വച്ചതിനു ശേഷം എലി വരാന്‍ സാധ്യതയുള്ള ഇടങ്ങളില്‍ തുറന്നു വയ്ക്കുന്നു. എന്നാല്‍ ഒരുപാട് എലികള്‍ ഉള്ള ഇടങ്ങളില്‍ ഇത് പ്രയോജനം ചെയ്യില്ല. 

എലിവിഷം - മാർക്കറ്റിൽ നിന്നും ലഭിക്കുന്ന വിഷം എലിശല്യമുള്ള ഇടത്ത് വയ്ക്കുന്നതാണ് ഇതിന്റെ രീതി. എന്നാല്‍ കുട്ടികളും വളര്‍ത്തുമൃഗങ്ങളും ഉള്ള വീടുകളില്‍ എലിവിഷം വയ്ക്കുമ്പോള്‍ നല്ല ശ്രദ്ധ ആവശ്യമാണ്.

പൂച്ചയെ വളര്‍ത്താം - ഒരു പൂച്ചയെ വീട്ടില്‍ വളര്‍ത്തുന്നത് എലിശല്യം കുറയ്ക്കും. എന്നാൽ എല്ലാവർക്കും ഇത് ഇഷ്ടമാകണമെന്നുമില്ല.

English Summary- Prevent Rats at Household- Tips

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN NEST
SHOW MORE
FROM ONMANORAMA