വേനൽക്കാലത്ത് പൂന്തോട്ടം പരിചരിക്കാൻ എളുപ്പവഴികൾ

വേനല്‍ ഇങ്ങെത്തികഴിഞ്ഞു. വേനല്‍ കാലം മനുഷ്യര്‍ക്ക് മാത്രമല്ല ചെടികള്‍ക്കും കഠിനകാലമാണ്. നല്ലൊരു പൂന്തോട്ടം വീട്ടില്‍ ഉണ്ടെങ്കില്‍ വേനല്‍ക്കാലത്ത് അവയുടെ പരിചരണം ശ്രദ്ധിച്ചേ മതിയാകൂ. എങ്ങനെയാണ് ചെടികള്‍ പരിചരിക്കേണ്ടത് എന്ന് നോക്കാം.

സീസണല്‍ ചെടികള്‍ - ഓരോ കാലാവസ്ഥയ്ക്കും അനുയോജ്യമായ ചെടികള്‍ നട്ടുവളര്‍ത്താന്‍ ശ്രദ്ധിച്ചാല്‍ ഓരോ കാലാവസ്ഥയും അതിജീവിക്കാന്‍ ചെടികള്‍ക്ക് സാധിക്കും. നല്ല മഴക്കാലത്ത് വളരേണ്ട ചെടികള്‍ വേനലില്‍ വളര്‍ത്തിയാല്‍ എങ്ങനെയുണ്ടാകും? 

തണൽ-വേനല്‍ കടുക്കുമ്പോള്‍ ചെടികള്‍ക്ക് ഷെയിഡ് കെട്ടികൊടുക്കുന്നത് നല്ലതാണ്. ഓണ്‍ലൈനിലും ഹോര്‍ട്ടി ഡീലര്‍മ്മാരുടെ പക്കലും ഇത് വാങ്ങാൻ ലഭിക്കും.

വെള്ളം സമയാസമയം - വേനല്‍ക്കാലത്ത് ചെടികള്‍ നനയ്ക്കാന്‍ ഏറ്റവും പറ്റിയ സമയം രാവിലെയും വൈകിട്ടും ആണ്. ഈ സമയം വെള്ളത്തിനു ചൂടും കുറവാകും.

മരങ്ങള്‍ - മരങ്ങള്‍ക്ക് ചുവടെ ചെറിയ ചെടികള്‍ നട്ടുവളര്‍ത്തിയാല്‍ അവയുടെ തണലില്‍ ചെറുചെടികള്‍ക്ക് വളരാന്‍ സാധിക്കും.

അമിതമായി നനയ്ക്കേണ്ട - ആവശ്യത്തിനു വേണം ചെടികള്‍ക്ക് വെള്ളം ഒഴിക്കാന്‍. ധാരാളം വെള്ളം അനാവശ്യമായി ഒഴിച്ച് കൊടുത്താല്‍ അത് കെട്ടികിടക്കാനും അവിടെ കൊതുകുകള്‍ പെരുകാനും കാരണമാകും.

ജലസേചനവും വളവും - ഹോസുകൾ, സ്പ്രിംഗളറുകൾ എന്നിവ കൊണ്ട് വെള്ളം ഒഴിക്കുന്നതാണ് ഏറ്റവും നല്ലത്. ആവശ്യത്തിനു വളമിട്ടു   കൊടുക്കുന്നത് മണ്ണില്‍ ഈര്‍പ്പം നിലനിര്‍ത്താന്‍ സഹായിക്കും.

ഇന്‍ഡോര്‍ ചെടികള്‍ - സൂര്യപ്രകാശം തീരെ വേണ്ടാത്ത ചെടികളാണ് ഇന്‍ഡോര്‍ പ്ലാന്റുകള്‍. വേനലില്‍ കണ്ണിനു കുളിര്‍മ്മ നല്‍കാന്‍ പറ്റിയതാണ് ഇന്‍ഡോര്‍ പ്ലാന്റുകള്‍.

റൂഫ് ടോപ്‌ ഗാര്‍ഡന്‍ - വേനല്‍ കാലത്ത് ഏറ്റവും ഉപകരിക്കുന്ന ഒന്നാണ് റൂഫ് ടോപ്‌ ഗാര്‍ഡന്‍. വീടിനുള്ളില്‍ കുളിര്‍മ്മ നല്‍കാന്‍ ഇവയ്ക്ക് സാധിക്കും

English Summary- Home Garden Maintenance During Summer