സത്യമാണ്; ഈ ഭൂമിക്കടിയിൽ ഒരു വമ്പൻ വീട് ഒളിഞ്ഞിരിപ്പുണ്ട്!
Mail This Article
കിറുക്കന് ഐഡിയയില് പണിത ഒരു വീടുണ്ട് ടെക്സാസില്. പൂര്ണ്ണമായും ഭൂമിക്ക് അടിയിലാണ് ഈ വീട് എന്നതാണ് ഹൈലൈറ്റ്. 40 എക്കറിലാണ് ഈ വീടുള്ളത്. ഭൂമിക്ക് മുകളില് നിന്നാല് ഇങ്ങനെയൊരു വീട് ഉണ്ടെന്നു പോലും ആര്ക്കും അറിയാന് സാധിക്കില്ല. അതുതന്നെയാണ് ഈ വീട് നല്കുന്ന സ്വകാര്യതയും.
നിറങ്ങളുടെ ഒരു ഉത്സവം കൂടിയാണ് ഈ വീട്. 2.25 മില്യന് അമേരിക്കന് ഡോളര് ആണ് ഈ വീടിന്റെ ഇപ്പോഴത്തെ മൂല്യം. 1999 ല് ഗ്ലെൻ യങ് ആണ് ഈ വീട് നിര്മ്മിച്ചത്. ഉള്ളില് നിറയെ പലതരം പെയിന്റിങ്ങുകള് കൊണ്ട് സമ്പന്നമാണ് ഈ വീട്. പലതും കൗതുകം നിറഞ്ഞതാണ്. ബീച്ച് തീം , ഈജിപ്ഷ്യന് തീം, മായന് റൂം, ഓഷിയന് റൂം അങ്ങനെ പല തീമുകള് നിറഞ്ഞതാണ് ഈ വീട്. ബാത്ത്റൂം കണ്ടാല് ഒരു പുരാതന ക്ഷേത്രം പോലെ തോന്നിക്കും.
മെഡിറ്റെഷന് റൂം ,പാനിക് റൂം,ലിവിംഗ് റൂം ,അടുക്കള ,ഓപ്പണ് സ്പെയിസ് അങ്ങനെ എല്ലാം ഇവിടെയുണ്ട്. സോഷ്യൽ മീഡിയയിൽ വീടിന്റെ വാർത്ത വൈറലായതോടെ നിരവധി പേർ വീട് കാണാനെത്തുന്നുണ്ട്.
English Summary- UnderGround House Texas