ADVERTISEMENT

ഭവനനിർമാണവുമായി ബന്ധപ്പെട്ട നിയമങ്ങൾ അറിയാം.

• ഉടമസ്ഥനു കെട്ടിട പ്ലാൻ തയാറാക്കി സമർപ്പിക്കാമോ? ഒരു ലൈസൻസി / ആര്‍ക്കിടെക്ടിന്റെ സേവനം അത്യാവശ്യമാണോ?

കെട്ടിട നിർമാണ ചട്ടങ്ങൾ പ്രകാരം ഉടമസ്ഥനു കെട്ടിടത്തിന്റെ പ്ലാൻ തയാറാക്കി സമർപ്പിക്കാനാവില്ല. ചട്ടം 6 (14) പ്രകാരം അപേക്ഷയോടൊപ്പം സമർപ്പിക്കുന്ന എല്ലാ പ്ലാനുകളിലും, ഡ്രോയിങ്ങുകളിലും വിവരണങ്ങളിലും അപേക്ഷകനോടൊപ്പം രജിസ്റ്റേർഡ് ലൈസൻസിയുടെ സാക്ഷ്യപ്പെടുത്തലും ഒപ്പും ഉണ്ടാകേണ്ടതാണ്. എന്നാൽ ഉടമസ്ഥൻ, രജിസ്റ്റേർഡ് ലൈസൻസിയാണെങ്കിൽ സ്വന്തം അപേക്ഷയിൽ ഒപ്പിട്ട് സമർപ്പിക്കാവുന്നതാണ്. 

• പുരയിടത്തിന്റെ ഉടമസ്ഥത തെളിയിക്കുന്നതിനായി ഏതൊക്കെ രേഖകളാണ് ബിൽഡിങ് പെർമിറ്റിനുള്ള അപേക്ഷയോടൊപ്പം സമർപ്പിക്കേണ്ടത്?

വില്ലേജ് ഓഫീസർ നൽകുന്ന സ്ഥലത്തിന്റെ കരം തീർത്ത രസീത്, കൈവശാവകാശ സർട്ടിഫിക്കറ്റ്, സ്ഥലത്തിന്റെ പ്രമാണം എന്നിവയാണ് പ്ലോട്ടിന്റെ ഉടമസ്ഥത തെളിയിക്കുന്നതിനായി ബിൽഡിങ് പെർമിറ്റിനുള്ള അപേക്ഷയോടൊപ്പം സമർപ്പിക്കേണ്ടത്. 

 

• കെട്ടിട നിർമാണത്തിന് അപേക്ഷ സമർപ്പിക്കുമ്പോൾ ശ്രദ്ധിക്കേണ്ട കാര്യങ്ങൾ എന്തൊക്കെ?

ചട്ടം 5(1) പ്രകാരം അപേക്ഷകന്റെ ഉടമസ്ഥതയിലുള്ള സ്ഥലത്തിന്റെ പ്രമാണം, വില്ലേജ് ഓഫീസർ നൽകുന്ന കരം അടച്ച രസീതും കൈവശാവകാശ സർട്ടിഫിക്കറ്റും ഉൾപ്പെടെയുള്ള സ്ഥലത്തിന്റെ ഉടമസ്ഥാവകാശം തെളിയിക്കുന്ന രേഖകൾ, ഷെഡ്യൂൾ 1 പ്രകാരം അപേക്ഷാഫീസ് ഒടുക്കിയതിനുള്ള രേഖകൾ, ലൈസൻസിയുടെ രജിസ്ട്രേഷൻ സർട്ടിഫിക്കറ്റ്, കോടതി വ്യവഹാരങ്ങൾ ഉണ്ടെങ്കിൽ ആയതിന്റെ രേഖകൾ, ജോയിന്റ് വെഞ്ച്വർ വികസനമാണെങ്കിൽ ഭൂഉടമയും ഡെവലപ്പറും തമ്മിലുള്ള കരാറിന്റെ പകർപ്പ് എന്നിവ സഹിതം നിശ്ചിത അപേക്ഷാഫോറത്തിൽ സെക്രട്ടറിക്ക് അപേക്ഷ സമര്‍പ്പിക്കേണ്ടതാണ്.

ചട്ടം 6 ൽ പറഞ്ഞിരിക്കുന്ന പ്ലാനുകൾ, ടി ചട്ടത്തിൽ പറഞ്ഞിരിക്കുന്ന പ്രകാരം തയാറാക്കി സമർപ്പിക്കണം. പ്ലാനുകളിൽ അപേക്ഷകനും ലൈസൻസിയും ഒപ്പിട്ടിരിക്കണം. അപേക്ഷകന്റെ വിലാസം, ലൈസൻസിയുടെ രജിസ്ട്രേഷൻ നമ്പർ എന്നിവ പ്ലാനിൽ വ്യക്തമാക്കിയിരിക്കണം. FSI, Coverage, Parking എന്നിവയുടെ calculation പ്ലാനിൽ രേഖപ്പെടുത്തി സമർപ്പിക്കണം. 

***വിവരങ്ങൾക്ക് കടപ്പാട്- കെട്ടിടനിർമാണ ചട്ടങ്ങൾ (KMBR-2019,  KPBR-2019)

English Summary- Applying for Building Permit- Rules to Know

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
അവശ്യസേവനങ്ങൾ കണ്ടെത്താനും ഹോം ഡെലിവറി  ലഭിക്കാനും സന്ദർശിക്കു www.quickerala.com