Manoramaonline.com no longer supports Internet Explorer 8 or earlier. Please upgrade your browser.  Learn more »

ആര്യയുടെ വീട്ടുവിശേഷങ്ങൾ

arya-father-daughter മിനിസ്‌ക്രീനിലൂടെ പ്രേക്ഷകരുടെ ഇഷ്ടം നേടിയ അവതാരകയും അഭിനേത്രിയുമായ ആര്യ തന്റെ വീട്ടുവിശേഷങ്ങൾ പങ്കുവയ്ക്കുന്നു. ആര്യ അച്ഛനും മകൾ റോയയ്ക്കുമൊപ്പം

തിരുവനന്തപുരമാണ് സ്വദേശം. അച്ഛൻ, അമ്മ, അനിയത്തി, മകൾ എന്നിവരാണ് കുടുംബം. അച്ഛന്റെ തറവാട് വീട്ടിലാണ് താമസിക്കുന്നത്. ഏകദേശം നൂറു വർഷം പഴക്കമുള്ള കേരളശൈലിയിലുള്ള വീടാണ്. ആ വൈകാരികമായ ബന്ധം ഉള്ളതുകൊണ്ടായിരിക്കാം അച്ഛൻ പിന്നീട് പുതിയ വീട് ഒന്നും വയ്ക്കാഞ്ഞത്. ചെറുപ്പം മുതൽ ഇത്തരമൊരു വീട്ടിൽ വളർന്നത് കൊണ്ടായിരിക്കാം വലിയ ആഡംബരം നിറയുന്ന വീടുകളോട് പ്രത്യേകിച്ച് താൽപര്യമൊന്നുമില്ല. ഇപ്പോഴും വീട് നന്നായി സംരക്ഷിച്ചു പോരുന്നു. 

തിരുവനന്തപുരത്ത് തന്നെയാണ് പഠിച്ചതും വളർന്നതും. അതുകൊണ്ടുതന്നെ നാടിനോടും വീടിനോടും അത്യവശ്യം അറ്റാച്ഡ് ആണ്. ചാനൽ പരിപാടികളും ഷൂട്ടും മിക്കവാറും കൊച്ചിയിലായിരിക്കും. രാവിലെ വീട്ടിൽ നിന്നിറങ്ങി ഷൂട്ട് കഴിഞ്ഞു തിരിച്ച് വീടുപിടിക്കുകയാണ് മിക്കവാറും ചെയ്യുക. പലരും പറഞ്ഞു ഫ്ളാറ്റ് എടുത്തു കൊച്ചിയിലേക്ക് മാറിക്കൂടെ എന്ന്. സ്വന്തം വീട്ടിൽ കിട്ടുന്ന സമാധാനവും സന്തോഷവും വേറെ എവിടെയും കിട്ടില്ല. 

arya-family ആര്യ അച്ഛനും മകൾക്കുമൊപ്പം

ഫാഷൻ ഡിസൈനിങ്ങിനോട് അത്യാവശ്യം താൽപര്യമുണ്ട്. അതുകൊണ്ടുതന്നെ ഇന്റീരിയർ ഡിസൈനിങ്ങും ഇഷ്ടമാണ്. സ്വന്തമായി ഒരു ബുട്ടീക് നടത്തുന്നുണ്ട്. പക്ഷേ ഷൂട്ടിങ്ങിന്റെ തിരക്കുകൾക്കിടയിൽ വീട്ടിലും കടയിലും ചെലവഴിക്കാൻ അധികം സമയം കിട്ടാറില്ല എന്നതാണ് സത്യം. മകൾ രോയയാണ് ഇപ്പോൾ വീട്ടിലെ താരം. അവൾക്ക് കളിക്കാനായി ചില ഇടങ്ങൾ വീടിനുള്ളിൽ ഒരുക്കിയിട്ടുണ്ട്. ഞാൻ ഷൂട്ടിന് പോകുമ്പോൾ അച്ഛനും അമ്മയുമാണ് അവളെ നോക്കുന്നത്.  

arya-roya

വിദേശരാജ്യങ്ങളിലേക്ക് യാത്ര പോകുമ്പോൾ അവിടെ കിട്ടുന്ന ക്യൂരിയോസ് കൊണ്ടുവന്നു വീട് അലങ്കരിക്കുന്നത് ഇഷ്ടമാണ്. അത്തരം ചെറിയൊരു സ്‌പേസ് വീട്ടിലുണ്ട്.

രമേശ് പിഷാരടിയുടെ തൃപ്പൂണിത്തുറയിലെ ഫ്ളാറ്റ് എനിക്ക് ഇഷ്ടമാണ്. പുള്ളി പഴയ ഓർമകൾക്ക് വേണ്ടി മാത്രം ഒരു മുറി സെറ്റ് ചെയ്തിട്ടുണ്ട്. പഴയ ടേപ് റിക്കോർഡറും ഫർണിച്ചറും ഒക്കെയായി ഒരു നൊസ്റ്റാൾജിക് ഫീലിങ് കിട്ടുന്ന ഫ്ലാറ്റ്. ചിലപ്പോൾ കുറച്ചു കഴിഞ്ഞാൽ ഞാനും അത്തരമൊരു ഫ്ളാറ്റ് സ്വന്തമാക്കുമായിരിക്കും. തൽക്കാലം വീട് തന്നെയാണ് സ്വർഗം.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.