ഇന്നും മങ്ങാത്ത സൗന്ദര്യം; കജോളിന്റെയും അജയ്‌യുടെയും വീട്
Mail This Article
ബോളിവുഡിലെ എക്കാലത്തെയും മികച്ച നടിമാരിലൊരാളാണ് കജോള്‍. പല പല നായികമാര്‍ ഹിന്ദിയില്‍ വന്നു പോയെങ്കിലും ഈ ദില്‍വാലെ നായികയ്ക്ക് ഇന്നും ആരാധകരേറെയാണ്. സിനിമയ്ക്കൊപ്പം തന്നെ കുടുംബജീവിതവും വിജയകരമായി നയിക്കുന്ന ആളാണ്‌ കജോള്‍. മുംബൈ ലോണാവാലയിലുള്ള വീട്ടിൽ ഭര്‍ത്താവും നടനുമായ അജയ് ദേവ്ഗണിനും രണ്ടു മക്കള്‍ക്കുമൊപ്പം നല്ലൊരു കുടുംബിനിയായി കഴിയുകയാണ് താരം.
നഗരത്തിന്റെ തിരക്കുകള്‍ ചുറ്റും ഉണ്ടെങ്കിലും അതൊന്നും ഒട്ടും എത്താത്ത ഒരിടമാണ് കജോളിന്റെ 4 BHK ഡുപ്ലെയ്‌ ഫ്ലാറ്റ്. വീടിന്റെ ഇന്റീരിയർ ചെയ്യാൻ മേൽനോട്ടം വഹിച്ചതും കജോൾ തന്നെയാണ്. കജോളിന്റെയും അജയ്‌യുടെയും പ്രണയകാലം മുതല്‍ പിന്നീട് ഇങ്ങോട്ടുള്ള ഒട്ടുമിക്ക ചിത്രങ്ങളും വീട്ടിലുണ്ട്. ഇതിനായി മനോഹരമായ ഫോട്ടോ സ്റ്റാന്റുകള്‍ ഒരുക്കിയിട്ടുണ്ട്. വുഡ് വർക്കുകളും ക്യൂരിയോസും ചിത്രപ്പണികളുള്ള മാർബിൾ ഫ്ലോറിങ്ങുമെല്ലാം കജോളിന്റെ തിരഞ്ഞെടുപ്പാണ്. ഡുപ്ലെയ്‌ ഫ്ളാറ്റിലെ പിരിയൻ ഗോവണിയും ഷാൻലിയറുകളുമെല്ലാം ആകർഷകമാണ്.
സിനിമാചർച്ചകൾക്കായി ഇരുവരുടെയും ഓഫിസ് പ്രവർത്തിക്കുന്നതും ഫ്ലാറ്റിന്റെ മുകൾനിലയിലാണ്. ഷാറുഖ് ഖാൻ, കരൺ ജോഹർ തുടങ്ങിയ കുടുംബ സുഹൃത്തുക്കൾ പതിവായി ഇവിടെ എത്താറുണ്ട്.
