sections
MORE

700 വർഷം പഴക്കം, നിരവധി സിനിമകൾ; നഷ്ടപ്രതാപത്തിന്റെ ഓർമകളിൽ പാരിപ്പള്ളി ഇല്ലം

kollam-illam
ചിത്രങ്ങൾക്ക് കടപ്പാട്-സമൂഹമാധ്യമം
SHARE

700 വർഷം പഴക്കമുള്ള ഒരില്ലം  കൊല്ലം ജില്ലയിലെ പാരിപള്ളിയില്‍ ഉണ്ടെന്നു അറിയാമോ ? പാരിപ്പള്ളി ഇല്ലം എന്ന പേരിലറിയപ്പെടുന്ന ഈ തറവാട് പഴയ എട്ടുകെട്ട് രീതിയിലാണ് നിര്‍മ്മിച്ചിരിക്കുന്നത്. നിരവധി സിനിമകളും സീരിയലുകളും ചിത്രീകരിച്ച ഈ അതിപുരാതന ഇല്ലം ഇന്ന് വേണ്ട പരിചരണം ലഭിക്കാതെ നശിച്ച അവസ്ഥയിലാണ് എന്നതാണ് സങ്കടകരം.

പഴയ അറയും പുരയും പത്തായപ്പുരയും എല്ലാം ചേര്‍ന്നതാണ് ഈ വീട്. പ്രധാനവാതിലിനു പുറത്തായി ഇവിടെ ഒരു തെക്കിനിയുമുണ്ട്. അത്യപൂര്‍വ്വമായ കൊത്തുപണികള്‍ ചെയ്തതാണ് ഇവിടുത്തെ തടികളും തൂണുകളും. എട്ടുകെട്ട് ആയതിനാല്‍ ഈ വീട്ടില്‍ രണ്ടു നടുമുറ്റങ്ങള്‍ ഉണ്ട്. പതിനാലു തലമുറകളില്‍ കൂടുതല്‍ കഴിഞ്ഞ ഈ വീട് ഇന്ന് നല്ലൊരു മഴ പെയ്താല്‍ നിലം പൊത്തുന്ന ശോചനീയ അവസ്ഥയിലാണ്. മഴ പെയ്താല്‍ അകത്തു മുഴുവന്‍ വെള്ളം കയറുന്ന സ്ഥിതിയാണ്. 

kollam-old-illam

സര്‍പ്പക്കാവ്, നിലവറ, കുളം എന്നിവയും വീടിനോട് ചേര്‍ന്നുണ്ട്. കാവില്‍ ദിവസവും വിളക്ക് വെച്ച് പ്രാര്‍ഥനയുണ്ട്. കാലമേറെയായെങ്കിലും എവിടെയൊക്കെയോ ശേഷിക്കുന്ന പഴമയുടെ പ്രൗഢി ഇപ്പോഴും ഈ ഇല്ലത്തിനുണ്ട് എന്ന് ഒറ്റ നോട്ടത്തില്‍ അറിയാം. ഇല്ലത്തിന്റെ ഇപ്പോഴത്തെ അവകാശികളായ ഗൃഹനാഥനും കുടുംബവും പ്രായമായ മാതാവുമാണ് ഇന്നിവിടുത്തെ താമസക്കാര്‍. ദിവസവും ഈ ഇല്ലത്തെ കുറിച്ച് കേട്ടറിഞ്ഞു കാണാനും ചിത്രം പകര്‍ത്താനും നിരവധി പേര്‍ എത്താറുണ്ട്.

English Summary- Parippally Illam Kollam

ബാല്യം മുതൽ ഇന്നുവരെ നിങ്ങളുടെ ജീവിതത്തിലൂടെ കടന്നുപോയ വീടുകളെക്കുറിച്ച് ഗൃഹാതുരമായ ഓർമകളുണ്ടോ? ചിത്രങ്ങളും ചെറുവിവരണവും മൊബൈൽ നമ്പറും സഹിതം customersupport@mm.co.in എന്ന ഇമെയിൽ വിലാസത്തിലേക്ക് അയച്ചു തരൂ.യോഗ്യമായവ പ്രസിദ്ധീകരിക്കും.  

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN SPOT LIGHT
SHOW MORE
FROM ONMANORAMA