ഒറ്റമുറി വീട്ടിൽ നിന്നും ആഡംബര ബംഗ്ലാവിലേക്ക്; സന്തോഷം പങ്കുവച്ച് ഗായിക
Mail This Article
ഇന്ത്യയിലെ പുതുതലമുറ ഗായകരിൽ ശ്രദ്ധേയയാണ് നേഹ കക്കർ. ടിവി റിയാലിറ്റി ഷോ ആയ ഇന്ത്യൻ ഐഡലിൽ മത്സരാർഥിയായാണ് നേഹയുടെ രംഗപ്രവേശം. പിന്നീട് വർഷങ്ങൾക്കുശേഷം ഇതേ റിയാലിറ്റി ഷോയുടെ വിധികർത്താവായി മാറുന്നതിലേക്ക് ഉയർന്നു താരം. ഋഷികേശിലെ ഒരു ദരിദ്ര കുടുംബത്തിലാണ് നേഹ ജനിച്ചത്. ചെറുപ്പത്തിൽ മാതാപിതാക്കളെ സഹായിക്കാൻ സമൂസ വിറ്റുനടന്ന കഥയും നേഹ പങ്കുവച്ചിട്ടുണ്ട്. ഇപ്പോഴിതാ പുതിയ ആഡംബര ബംഗ്ലാവ് സ്വന്തമാക്കിയ സന്തോഷം സമൂഹമാധ്യമത്തിൽ പങ്കവച്ചിരിക്കുകയാണ് നേഹ.
ഇതാണ് ഋഷികേശിൽ ഞാൻ സ്വന്തമാക്കിയ പുതിയ ബംഗ്ലാവ്. അടുത്ത ചിത്രത്തിൽ കാണുന്നത് ഞാൻ ജനിച്ച ഒറ്റമുറി വീടാണ്. എന്റെ അമ്മ സ്വരുക്കൂട്ടിയ ഒരു മേശയായിരുന്നു വീട്ടിലെ അടുക്കളയും ഊണുമുറിയും. ആ കുഞ്ഞൻവീടും ഞങ്ങളുടെ സ്വന്തമല്ലായിരുന്നു. വാടകവീടായിരുന്നു. ഇപ്പോൾ വർഷങ്ങൾക്കുശേഷം അതേനഗരത്തിൽ എന്റെ പുതിയ ബംഗ്ലാവ് കാണുമ്പോൾ ഞാൻ വികാരാധീനയാകുന്നു..
English Summary- Singer Neha Kakkar New Home