sections
MORE

കോവിഡ് 19; വീട് ഐസലേഷന്‍ വാര്‍ഡ് ആക്കാന്‍ വിട്ടുനല്‍കി സോഹന്‍ റോയ്

sohan-roy-house
SHARE

കോവിഡ് -19 എന്ന മഹാമാരിക്കെതിരെയുള്ള പോരാട്ടത്തിലാണ് ലോകം. കേരളം മാതൃകാപരമായ പ്രതിരോധ പ്രവർത്തനങ്ങളുമായി മുന്നേറുമ്പോഴും സാമൂഹിക വ്യാപനം ഉണ്ടായാൽ നേരിടാനുള്ള അടിസ്ഥാന  സൗകര്യങ്ങളുടെ അപര്യാപ്തത വെല്ലുവിളിയാണ്. ഈ സാഹചര്യം കണക്കിലെടുത്ത് ഐസലേഷന്‍ വാര്‍ഡ് സജ്ജീകരിക്കുവാനായി സ്വന്തം വീട് വിട്ടുനല്‍കുമെന്ന് വാഗ്ദാനം ചെയ്തിരിക്കുകയാണ് പ്രവാസി സംരംഭകനും സംവിധായകനുമായ സോഹൻ റോയ്. തൃശൂർ ജില്ലയിലെ ദേശമംഗലത്ത് സ്ഥിതി ചെയ്യുന്ന വീടാണ് അദ്ദേഹം ഐസലേഷന്‍ വാര്‍ഡിനായി വിട്ടു നല്‍കിയിരിക്കുന്നത്.

sohan-roy-home

തന്റെ അന്‍പത്തിമൂന്നാം ജന്മദിനത്തിന് ലഭിച്ച ആശംസകള്‍ക്ക് നന്ദി പ്രകാശിപ്പിക്കുന്നതിനിടയിലാണ് ഈ വിവരം അദ്ദേഹം പങ്കു വച്ചത്. നേരത്തേ കേരളത്തിലെ പത്ത് ജില്ലകള്‍ക്ക് ഓരോ വെന്റിലേറ്ററുകള്‍ വീതം സംഭാവന നല്‍കുമെന്നും ലോക് ഡൗണ്‍ സമയത്ത് രണ്ടായിരം കുടുംബങ്ങള്‍ക്ക് സ്വന്തം ജീവനക്കാര്‍ വഴി സഹായമെത്തിക്കുമെന്നും അദ്ദേഹം വാഗ്ദാനം ചെയ്തിരുന്നു.

Sohan-Roy

ഏരീസ് ഗ്രൂപ് ഓഫ് കമ്പനീസിന്റെ സ്ഥാപക ചെയർമാനാണ്. 2105 ഫോബ്‌സ് മാസിക അറബ് ലോകത്തെ പ്രമുഖ ഇന്ത്യൻ സംരംഭകരിൽ ഒരാളായി ഇദ്ദേഹത്തെ തിരഞ്ഞെടുത്തിരുന്നു. ഡാം 999, ജലം എന്നീ  സിനിമകൾ  സംവിധാനം ചെയ്തിട്ടുണ്ട്.

English Summary- Sohan Roy Donates Own House for Corona isolation

ബാല്യം മുതൽ ഇന്നുവരെ നിങ്ങളുടെ ജീവിതത്തിലൂടെ കടന്നുപോയ വീടുകളെക്കുറിച്ച് ഗൃഹാതുരമായ ഓർമകളുണ്ടോ? ചിത്രങ്ങളും ചെറുവിവരണവും മൊബൈൽ നമ്പറും സഹിതം customersupport@mm.co.in എന്ന ഇമെയിൽ വിലാസത്തിലേക്ക് അയച്ചു തരൂ.യോഗ്യമായവ പ്രസിദ്ധീകരിക്കും.  

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN SPOT LIGHT
SHOW MORE
FROM ONMANORAMA