ഇതാണ് വീട്ടിലെ പ്രിയയിടം; ചിത്രം പങ്കുവച്ച് നടി കാർത്തിക മുരളീധരൻ
Mail This Article
കാർത്തിക മുരളീധരനെ ഓര്മ്മയുണ്ടോ ? ദുല്ക്കര് നായകനായ 'സി.ഐ.എ'യിലെ നായിക. ബോളിവുഡിലെ പ്രമുഖ ക്യാമറാമാനും മലയാളിയുമായ സി.കെ. മുരളീധരന്റെ മകളാണ് കാർത്തിക. സി.ഐ.എയ്ക്ക് ശേഷം മമ്മൂട്ടി നായകനായ അങ്കിളിലും കാര്ത്തിക നായികയായിരുന്നു.
സോഷ്യൽ മീഡിയയിൽ സജീവമാണ് കാർത്തിക. തന്റെ ഫോട്ടോഷൂട്ട് ചിത്രങ്ങൾ താരം പങ്കുവയ്ക്കാറുണ്ട്. വീടിനുള്ളില് നിന്നുള്ള ഫോട്ടോഷൂട്ട് ചിത്രങ്ങള്ക്ക് ഒപ്പമാണ് താരം തന്റെ ലോക്ക്ഡൗണ് കാലത്തെ വിശേഷങ്ങള് പങ്കുവെച്ചത്.
തന്റെ മുറിയേക്കാള് പ്രിയപ്പെട്ടയിടത്തെ കുറിച്ചായിരുന്നു കാര്ത്തികയുടെ പോസ്റ്റ്. അത് മറ്റെങ്ങുമല്ല തന്റെ അമ്മയുടെ പൂന്തോട്ടമാണെന്നാണ് കാര്ത്തിക പറയുന്നത്. ഒപ്പം പൂന്തോട്ടത്തില് നിന്നുള്ള ചിത്രങ്ങളും കാര്ത്തിക പോസ്റ്റ് ചെയ്തു.
അമ്മയുടെ ഗാര്ഡനാണ് തനിക്ക് ഏറ്റവും ഇഷ്ടപ്പെട്ട ഇടം. തന്റെ മുറിക്ക് രണ്ടാം സ്ഥാനമാണ് എന്ന് കാര്ത്തിക പറയുന്നു. കൂടാതെ ടെറസ് ഉപയോഗിക്കാന് സൗകര്യമുള്ള സുഹൃത്തുക്കളോടുള്ള കുശുമ്പും താരം മറച്ചുവയ്ക്കുന്നില്ല. തന്റെ ആകാശവും ഉറ്റസുഹൃത്തിനേയും മിസ് ചെയ്യുന്നുവെന്നും കാര്ത്തിക കുറിക്കുന്നു. ലോക്ഡൗൺ കാലത്ത് ഐബ്രോയും അപ്പര്ലിപ്സും സ്വന്തമായി ചെയ്യാന് പഠിച്ചുവെന്നും ദോശ ചുടാന് പഠിച്ചെന്നും നടി പറയുന്നു.
English Summary- Karthika Muralidharan about Lockdown at House