ഗുഡ്ബൈ മറഡോണ; ഇത് ഫുട്ബോൾ ദൈവം ജനിച്ചു വളർന്ന വീട്
Mail This Article
ഫുട്ബോള് ഇതിഹാസം ഡിയേഗോ മറഡോണ വിടവാങ്ങിയ ദുഖത്തിലാണ് ലോകമെങ്ങുമുള്ള ഫുട്ബോൾ ആരാധകർ. അർജന്റീനയിലെ ബ്യൂനസ് ഐറിസിന്റെ പ്രാന്തപ്രദേശത്തുളള ലാനസിയില് ആണ് മറഡോണ ജനിച്ചത്. അദ്ദേഹം ജനിച്ചു വളര്ന്ന ഗ്രാമപ്രദേശത്തെ ആ വീട് ഇന്ന് കാല്പന്ത് ആരാധകരുടെ പ്രിയയിടം കൂടിയാണ്.
മറഡോണയുടെ ആ വീട് ഇന്നൊരു മ്യൂസിയമാണ്. ബ്യൂണസ് അയേഴ്സിലെ തെരുവുകളിൽ നിന്ന് ഫുട്ബോൾ ലോകത്തിലെ കിരീടം വയ്ക്കാത്ത രാജാവെന്ന സ്ഥാനത്തെത്തിയ മറഡോണ 1986 ല് പ്രശസ്തിയിലേക്ക് ഉയരുന്നതിനു മുന്പ് വരെ ഈ വീട്ടിലായിരുന്നു കഴിഞ്ഞിരുന്നത്.
പിന്നീട് അദ്ദേഹത്തിന്റെ കുടുംബം ഇവിടം വിട്ടു. 1981 വരെ ഇവിടെ മറ്റൊരു താമസക്കാരിയായിരുന്നു ഉണ്ടായിരുന്നത്. 2008 ല് 82,000 ഡോളര് മുടക്കി ഒരു മുന് അര്ജന്റീന ടീം മാനേജറായിരുന്ന ആല്ബര്ട്ടോ പെരസ് ആണ് ഈ വീട് സ്വന്തമാക്കിയത്. ഒരു അര്ജന്റീനക്കാരന് എന്ന നിലയില് ഇത് തന്റെ കടമയാണ് എന്നായിരുന്നു ഈ വീട് വാങ്ങിയതിനെ കുറിച്ച് പിന്നീട് പെരസ് പറഞ്ഞത്.
മറഡോണയുടെ വീട് അദ്ദേഹം ഇവിടെ താമസിച്ചപ്പോള് ഉണ്ടായിരുന്നത് പോലെ തന്നെയാണ് ഇവിടെ സംരക്ഷിച്ചിരിക്കുന്നത്. മറഡോണ കേട്ടിരുന്ന റെക്കോര്ഡ് പ്ലെയര് പോലും അതേപോലെ സൂക്ഷിച്ചിട്ടുണ്ട്. മറഡോണയുടെ ചിത്രങ്ങള് അടക്കം ഈ വീട്ടില് സൂക്ഷിച്ചിട്ടുണ്ട്.
2016 ലാണ് ഈ വീട് മ്യൂസിയമാക്കി പൊതുജനങ്ങള്ക്ക് തുറന്നു കൊടുത്തത്. രണ്ടുനിലയുള്ള ഈ വീട്ടിലെ മുകള്നിലയിലായിരുന്നു മറഡോണയുടെ കുഞ്ഞന് മുറി. ഇവിടുത്തെ ലിവിങ്റൂമില് ആരാധകര്ക്കായി സദാനേരവും മറഡോണയുടെ വിഖ്യാതഗോളുകള് പിറന്ന വീഡിയോകള് പ്ലേ ചെയ്യാറുണ്ട്.
English Summary- Diego Maradona Born House turned to Museum