നഞ്ചിയമ്മയ്ക്ക് ഇനി അടച്ചുറപ്പുള്ള വീട് സ്വന്തം; നിറഞ്ഞ സന്തോഷം

nanjiyamma-house
fb ©PalakkadLifestyle
SHARE

അയ്യപ്പനും കോശിയിലെ 'കളക്കാത്ത സന്ദന' എന്ന ഗാനം എഴുതി ആലപിച്ചതോടെയാണ്  പാലക്കാട് അട്ടപ്പാടി നക്കുപതി ഊരിലെ നഞ്ചിയമ്മയെ മലയാളികൾ തിരിച്ചറിഞ്ഞത്. പിന്നീട് മികച്ച ഗായികയ്ക്കുള്ള ദേശീയ അവാർഡ് കരസ്ഥമാക്കി ദേശീയശ്രദ്ധയും നേടി നഞ്ചിയമ്മ.

എന്നാൽ ഏറെക്കാലമായി അടച്ചുറപ്പില്ലാത്ത ഒരു വീട്ടിലാണ് നഞ്ചിയമ്മ താമസിച്ചിരുന്നത്. തനിക്ക് ലഭിച്ച അവാർഡുകൾ പോലും സൂക്ഷിക്കാൻ ഇടമില്ലാതെ വീട്ടിൽ കൂട്ടിയിട്ടിരിക്കുന്ന നഞ്ചിയമ്മയുടെ ദയനീയ അവസ്ഥ കണ്ട ഫിലോകാലിയ എന്ന ഫൗണ്ടേഷൻ ഇപ്പോൾ നഞ്ചിയമ്മയ്ക്ക് സ്വപ്നഭവനം പണിതുനൽകിയിരിക്കുകയാണ്. മൂന്ന് മാസം മുൻപ് തറക്കല്ലിട്ട വീടിന്റെ പണി പൂർത്തിയായി കഴിഞ്ഞ ദിവസം നഞ്ചിയമ്മ താമസമായി.

പുറംലോകവുമായി ബന്ധങ്ങൾ ഒന്നുമില്ലാതെ പ്രാരാബ്ധങ്ങളുമായി ഒതുങ്ങിജീവിച്ച നഞ്ചിയമ്മയ്ക്ക് തന്റെ ജീവിതത്തിലുണ്ടായ മാറ്റങ്ങൾ സ്വപ്നംപോലും കാണാൻകഴിയുന്നതായിരുന്നില്ല. ഇന്നവരെ ആളുകൾ തിരിച്ചറിയുന്നു, സ്വീകരണങ്ങൾ നൽകുന്നു. അടുത്തിടെ അവർ ആദ്യമായി വിമാനത്തിൽ കയറിയതും വിദേശയാത്ര നടത്തിയതുമൊക്കെ വാർത്തയായിരുന്നു. ജീവിതത്തിൽ പ്രതീക്ഷിക്കാതെ ലഭിച്ച പുതിയ സന്തോഷത്തെക്കുറിച്ച് ചോദിക്കുമ്പോൾ നഞ്ചിയമ്മയുടെ മുഖത്ത് പഴയ അതേ നിഷ്കളങ്കമായ പുഞ്ചിരി നിറയുന്നു.

English Summary- Nanjiyamma Got New House; Celebrity Home News

ബാല്യം മുതൽ ഇന്നുവരെ നിങ്ങളുടെ ജീവിതത്തിലൂടെ കടന്നുപോയ വീടുകളെക്കുറിച്ച് ഗൃഹാതുരമായ ഓർമകളുണ്ടോ? ചിത്രങ്ങളും ചെറുവിവരണവും മൊബൈൽ നമ്പറും സഹിതം customersupport@mm.co.in എന്ന ഇമെയിൽ വിലാസത്തിലേക്ക് അയച്ചു തരൂ.യോഗ്യമായവ പ്രസിദ്ധീകരിക്കും.  

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

ഐഫോണ്‍ 15ൽ അദ്ഭുതങ്ങൾ, സക്കര്‍ബര്‍ഗിന്റെ രാജി: പോയവാരത്തിലെ ടെക് വാര്‍ത്തകൾ

MORE VIDEOS
FROM ONMANORAMA