ദോഷങ്ങൾ അകറ്റി വീട്ടിൽ ഐശ്വര്യം നിറയ്ക്കണോ? പരിഹാരമുണ്ട്

kamadhenu-statue
Shutterstock By Grzegorz Czapski
SHARE

ശാസ്ത്രവും അതിലുപരി വിശ്വാസവും കൂടിക്കലർന്ന് കിടക്കുന്ന ശാഖയാണ് വാസ്തു. വാസ്തു വിശ്വാസമനുസരിച്ച് ചില വസ്തുക്കൾ വീടിനുള്ളിൽ സ്ഥാപിക്കുന്നത് നെഗറ്റീവ് എനർജി പുറംതള്ളി വീട്ടിൽ പോസിറ്റീവ് എനർജി നിറയ്ക്കാൻ സഹായിക്കും. അത്തരത്തിൽ ഭാരതീയ ഗൃഹങ്ങളിൽ പണ്ടുമുതൽ സൂക്ഷിക്കുന്ന ഒന്നാണ് കാമധേനു വിഗ്രഹം.

പൗരാണിക വിശ്വാസമനുസരിച്ച് ലക്ഷ്മി, സരസ്വതി, ദുർഗ എന്നിവരുടെ ശക്തി കാമധേനുവിൽ സമ്മേളിച്ചിരിക്കുന്നു എന്നാണ് വിശ്വാസം. ഇത് വീട്ടിലോ, ജോലിസ്ഥലത്തോ സ്ഥാപിക്കുന്നത് ഐശ്വര്യത്തിനും ആഗ്രഹസാഫല്യത്തിനും സൗഭാഗ്യത്തിനും ഉത്തമമാണ് എന്നാണ് വിശ്വാസം. ശാരീരിക-മാനസിക-സാമ്പത്തിക പ്രയാസങ്ങൾക്ക് ഇത് പരിഹാരം നൽകുമെന്നാണ് വിശ്വാസം. 

കാമധേനുവിന്റെ സ്ഥാനം

kamadhenu-vasthu

വാസ്തു അനുസരിച്ച്  വടക്ക് കിഴക്ക് ദിശയായ ഈശാനകോണിലാണ് കാമധേനു വിഗ്രഹം വീട്ടിലോ, ജോലിസ്ഥലത്തോ സ്ഥാപിക്കേണ്ടത്. ഇവിടെ വിഗ്രഹം വയ്ക്കുന്നത് സാധ്യമല്ലെങ്കിൽ  വടക്ക് ദിശയിലോ കിഴക്ക് ദിശയിലോ സ്ഥാപിക്കാവുന്നതാണ്. ജോലിസ്ഥലത്ത് സ്ഥാപിക്കുമ്പോഴും ഇതേ ദിശയിൽത്തന്നെ വയ്ക്കണം.

വീടിന്റെ പൂജമുറിയിൽതന്നെ കാമധേനു വിഗ്രഹത്തിന്റെ സ്ഥലം നൽകുന്നതാണ് ഉചിതം. വീടിന്റെ പ്രവേശനമാർഗ്ഗത്തിലും സ്ഥാനം നൽകാവുന്നതാണ്. വാസ്തുവിശ്വാസപ്രകാരം  വീടിന്റെ  ഉമ്മറത്തോട് ചേർന്ന് ഗോശാലയുള്ളത് ഐശ്വര്യത്തിന്റെയും  പ്രൗഢിയുടേയും ലക്ഷണമാണ്.

ചെമ്പ്, വെങ്കലം, മാർബിൾ, സെറാമിക് എന്നിവയിലും മണ്ണിലും തീർത്ത വിഗ്രഹങ്ങൾ  വിപണിയിൽ ലഭ്യമാണ്.ഏത് സാമഗ്രിയിൽ ഉള്ള വിഗ്രഹം വാങ്ങിയാലും വാസ്തുവനുസരിച്ച് കാമധേനു വിഗ്രഹത്തിന് സ്ഥാനം നൽകണം.

English Summary- Kamadhenu Idol for Prosperity; Vasthu Tips

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

ചോക്ലേറ്റ് ചാക്കോച്ചനൊക്കെ പണ്ട്, ഇപ്പോ കൈയിൽ ചോക്ലേറ്റിന്റെ കവർ മാത്രമേയുള്ളു | Nna Thaan Case Kodu

MORE VIDEOS