മാവേലിക്കരയിൽ കൗതുകമായി ഈന്തപ്പഴം വിളഞ്ഞു
Mail This Article
×
മാവേലിക്കര ∙ പുണ്യം പേറുന്ന റമസാൻ നോമ്പുകാലത്തു മാവേലിക്കരയിൽ ഈന്തപ്പഴത്തിന്റെ ഇരട്ടി മധുരം. തഴക്കര വഴുവാടി കരയാംവട്ടത്ത് വീട്ടിൽ ഡയാന ജോണിക്കുട്ടിയുടെ വീട്ടിലാണ് ഈന്തപ്പന കായ്ച്ചു നിൽക്കുന്നത്. ജോണിയുടെ മകൻ ഷോജി ജോർജ് ബെംഗളൂരുവിൽ നിന്നെത്തിച്ച് 5 വർഷം പ്രായമുള്ള 5 പനകൾ നട്ടത്. കഴിഞ്ഞ 5 വർഷക്കാലം ദിവസവും 3 നേരം പനകൾ നനച്ചു. 3 മാസത്തെ ഇടവേളയിൽ ജൈവവളവും നൽകി.
പനകളിൽ പക്ഷികൾ കൂടു കൂട്ടിയിട്ടുള്ളതിനാൽ വലിയ ശ്രദ്ധ നൽകാതെ തന്നെ പരാഗണം കൃത്യമായി നടന്നു. 2 പനകൾ ആണു കായ്ച്ചത്. മഞ്ഞ നിറത്തിൽ കായ്കൾ പഴുത്തു നിൽക്കുകയാണ്. ഒരു മാസത്തിനുള്ളിൽ കായ്കൾ പൂർണമായി ഭക്ഷ്യ യോഗ്യമാവുമെന്നു ജോണിക്കുട്ടി പറഞ്ഞു. ഈന്തപ്പഴം നിൽക്കുന്നതു കാണാനും ചിത്രങ്ങൾ എടുക്കാനും നിരവധി എത്തുന്നുണ്ട്.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.