ഇഞ്ചിവില റെക്കോർഡിൽ

പുൽപള്ളി ∙ ഇഞ്ചിവില റെക്കോർഡിലെത്തി. 60 കിലോഗ്രാമിന്റെ ഒരു ചാക്ക് ഇഞ്ചി ഇന്നലെ  വിറ്റത് 10,500 രൂപയ്ക്കാണ്. 6 വർഷം മുൻപ്  9,500 രൂപയായിരുന്നതാണ് ഇതിനു മുൻപുള്ള ഏറ്റവും ഉയർന്ന വില. എച്ച്ഡി കോട്ട മാർക്കറ്റിൽ കഴിഞ്ഞ 2 ദിവസവും 10,000 മുതൽ 10,500 രൂപ വരെ കച്ചവടം നടന്നു. ഇഞ്ചി ലഭ്യത കുറഞ്ഞതാണു വില ഉയരാൻ കാരണം. സീസൺ ആരംഭത്തിൽ 1800 രൂപയായിരുന്നു വില. 2 മാസം മുൻപ് 5,000 ആയി. പിന്നീട് പടിപടിയായി ഉയർന്നാണു വില 10,500 രൂപയിലെത്തിയത്.