കണ്ണീരു പുരട്ടി വെറ്റിലക്കൊടി കർഷകർ

അടൂർ ∙ കാറ്റിൽ വെറ്റിലക്കൊടി പാടെ മറിഞ്ഞ് നാശം വിതച്ചത് വെറ്റില കർഷകരെ കണ്ണീരിലാഴ്ത്തി. ഇതിൽ നിന്ന് കിട്ടുന്ന വരുമാനം കൊണ്ട് കുടുംബം പുലർത്തുന്ന കർഷകരെയാണ് വിഷമത്തിലാക്കിയത്. ഏറത്ത് പഞ്ചായത്തിൽ വയലാ പ്രദേശത്ത് എസ്.എസ് വില്ലയിൽ രാജു, അനീഷ് കോട്ടേജിൽ ഗീവർഗീസ് എന്നിവരുടെ 30 സെന്റിലെ വെറ്റിലക്കൊടിയാണ് കാറ്റിൽ നശിച്ചത്. അടൂർ നഗരസഭയിൽ 40 സെന്റിലെ വെറ്റില്ലക്കൊടി പൂർണമായും മറിഞ്ഞു. ഏഴംകുളം പഞ്ചായത്തിൽ 600 മൂടാണ് നശിച്ചത്. കൊടുമണ്ണിലും കടമ്പനാട്ടും 50 സെന്റിലും ഏനാദിമംഗലത്ത് 25 സെന്റിലും നശിച്ചു.