വെറുതെയല്ല 1.2 ലക്ഷം രൂപയ്ക്ക് കറിവേപ്പ് വാങ്ങിയത്, ഒരു വലിയ കഥയുണ്ട്
Mail This Article
×
ഗുണത്തിൽ മുന്നിലാണെങ്കിലും ‘വില’ ഇല്ലാത്തത് എന്ന പേരുദോഷം മാറ്റിയിരിക്കുകയാണ് കറിവേപ്പില. ഇതിനു കാരണക്കാരൻ ഒരു മലയാളിയും. അമേരിക്കയിൽ നടന്ന ലേലത്തിൽ ഒരു കറിവേപ്പു തൈ സ്വന്തമാക്കാൻ ഏകദേശം 1.20 ലക്ഷം രൂപയാണ് കൈതേപ്പാലം സ്വദേശിയും കുടുംബസമേതം അമേരിക്കയിൽ സ്ഥിരതാമസക്കാരനുമായ ജെ.പി. ജേക്കബ് മുടക്കിയത്. കഴിഞ്ഞ വർഷം വിളവെടുപ്പുത്സവത്തിന്റെ ഭാഗമായി നടന്ന ലേലം ലോക്ഡൗൺ സമയത്ത് ജേക്കബ് സമൂഹമാധ്യമങ്ങളിലിട്ട കുറിപ്പിലൂടെയാണ് വൈറലായത്.
ദക്ഷിണേന്ത്യൻ സ്വദേശികളായ നിർധന കുടുംബത്തിന്റെ ചികിത്സയ്ക്കു പണം കണ്ടെത്തുന്നതിനാണു ജേക്കബ് ഉൾപ്പെടെയുള്ളവർ ലേലത്തിൽ പങ്കെടുത്തത്. ലക്ഷം മൂല്യമുള്ള ‘വിഐപി’ കറിവേപ്പിന്റെ ചിത്രത്തിനു താഴെ പണം ധൂർത്തടിക്കുന്നു എന്ന രീതിയിൽ ചില കമന്റുകൾ വന്നപ്പോഴാണ് ലേലത്തിനു പിന്നിലെ കഥ ജേക്കബ് പങ്കുവച്ചത്.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.