ഒരു കുടുംബത്തിലെ 8 പേർക്ക് കോവിഡ്; പശുക്കളുടെ സംരക്ഷണം ഏറ്റെടുത്ത് ക്ഷീരസംഘം

കോട്ടയം കുമരകം തിരുവാർപ്പ് 12–ാം വാർഡിൽ ഒരു കുടുംബത്തിലെ 8 പേർക്ക് കോവിഡ്. അനാഥമായ പശുക്കളുടെ സംരക്ഷണം ഏറ്റെടുത്ത് തിരുവാർപ്പ് ക്ഷീര സംഘം. പാലെടുക്കാനും തീറ്റ നൽകാനും ആരുമില്ലാതായതോടെയാണു സംഘം പശുക്കളെ ഏറ്റെടുത്തത്. കോട്ടയത്തെ ഫാമിലെ ജോലിക്കാരനെ എത്തിച്ച് കറവ നടത്തി. താൽക്കാലിക തൊഴുത്തിലേക്കു പശുക്കളെ മാറ്റി.

പാൽ ഉപയോഗിച്ചില്ല. രാവിലെയും വൈകിട്ടും കറവ നടത്തും. പശുക്കൾക്കു തീറ്റ ഉറപ്പാക്കും. വീട്ടിലെ തൊഴുത്തും പരിസരവും അണുവിമുക്തമാക്കി. ഏറ്റുമാനൂർ ക്ഷീര വികസന ഓഫിസർ രാജി എസ്. മണി, പഞ്ചായത്ത് അംഗം പി.എം. മണി, സംഘം പ്രസിഡന്റ് എം.എ. ഏബ്രഹാം, സെക്രട്ടറി കെ.എസ്. സജിതമോൾ എന്നിവരുടെ നേതൃത്വത്തിലാണു നടപടി.