3 ആടു വളർത്തൽ പദ്ധതികൾ ഉൾപ്പെടെ മൃഗസംരക്ഷണ മേഖലയിൽ 6 പുതിയ പദ്ധതികൾ
Mail This Article
ക്ഷീരവികസന–മൃഗപരിപാലന മേഖലയിലെ വിവിധ പദ്ധതികളുടെ – സാഫല്യം 2020 – സംസ്ഥാനതല ഉദ്ഘാടനം ഇന്ന് 3ന് തിരുവനന്തപുരം പേരൂർക്കട വെറ്ററിനറി കൗൺസിൽ ഹാളിൽ വനം–മൃഗസംരക്ഷണ ക്ഷീരവികസന വകുപ്പ് മന്ത്രി അഡ്വ. കെ. രാജുവിന്റെ അധ്യക്ഷതയിൽ ചേരുന്ന യോഗത്തിൽ മുഖ്യമന്ത്രി പിണറായി വിജയൻ വിഡിയോ കോൺഫറൻസിലൂടെ നിർവഹിക്കും. വട്ടിയൂർക്കാവ് എംഎൽഎ വി.കെ. പ്രശാന്ത് മുഖ്യാതിഥി ആയിരിക്കും.
മൃഗസംരക്ഷണ–ക്ഷീരവികസന മൃഗപരിപാലന മേഖലയിലെ വിപുലമായ 6 പദ്ധതികൾക്കാണ് തുടക്കംകുറിക്കുന്നത്. 150 വ്യാവസായിക ആടുവളർത്തൽ യൂണിറ്റ്, ആയിരം ചെറുകിട ആടുവളർത്തൽ യൂണിറ്റ്, 800 ഗോട്ട് സാറ്റലൈറ്റ് യൂണിറ്റ്, 500 കേന്ദ്രങ്ങളിൽ ആടുകൾക്ക് കൃത്രിമബീജാദാനം, 25 ക്ഷീരഗ്രാമം, 15 കെപ്കോ കേരള ചിക്കൻ ഔട്ട്ലെറ്റ് എന്നിവ ഇതോടെ പ്രവർത്തനമാരംഭിക്കും.
English summary: Farm Projects in Livestock Sector