രാസവളം കുറച്ച് കുരുമുളകുകൃഷി; എന്തെല്ലാം ശ്രദ്ധിക്കണം?
Mail This Article
നല്ല വളക്കൂറുള്ള മണ്ണിലും ധാരാളം ജൈവവളം ചേര്ക്കുന്ന കുരുമുളകു കൊടിക്കും രാസവളം കുറച്ചു നല്കിയാല് മതി. കൊടിയുടെ ചുറ്റും രണ്ടടി വ്യാസത്തില് എടുത്ത തടത്തില് വളം വിതറി മുപ്പല്ലികൊണ്ട് വേരുകള് പൊട്ടാതെ കൊത്തിച്ചേര്ക്കാം. തടമെടുക്കുമ്പോള് വേരുകള്ക്ക് മുറിവേറ്റാല് ദ്രുതവാട്ടത്തിനുളള സാധ്യത കൂടും. വളം ഒലിച്ച് നഷ്ടപ്പെടാതിരിക്കാനും, മണ്ണിലെ ഈര്പ്പം നിലനിര്ത്തുന്നതിനും, താപനില ക്രമീകരിക്കുന്നതിനും, കളനിയന്ത്രണത്തിനും പുതയിടല് സഹായിക്കും. മഴ ശമിക്കുന്നതോടെ സ്യൂഡോമോണാസ് ഫ്ളൂറസന്സ് 20 ഗ്രാം ഒരു ലീറ്റര് വെളളത്തില് കലക്കി തളിക്കുകയും, ട്രൈക്കോഡെര്മ കള്ച്ചര് ചുവട്ടില് ചേര്ക്കുകയും ചെയ്യുകയാണെങ്കില് ദ്രുതവാട്ടം അടക്കമുളള രോഗങ്ങള് നിയന്ത്രിക്കാന് സാധിക്കും.
English summary: Manuring And Fertilizing Black Pepper