കണ്ണുകളിലെ നിറം നോക്കി അറിയാം ആടിലെ വിരബാധ

ആടുകളുടെ കണ്ണിന്റെ നിറം നോക്കി വിരബാധയുണ്ടോ എന്നു കണ്ടെത്താനുള്ള സംവിധാനം തൃശൂർ മണ്ണുത്തി വെറ്ററിനറി കോളജിൽ വികസിപ്പിച്ചെടുത്തു. അനാവശ്യമായി വിരമരുന്ന് നൽകുന്നത് ഒഴിവാക്കാൻ ഇതുമൂലം സാധിക്കും. വെറ്ററിനറി കോളജിലെ പരാദവിഭാഗത്തിന്റേതാണ് ഗവേഷണഫലം. 

കാഷ്ഠത്തിലെ വിരകളുടെ മുട്ടകളുടെ എണ്ണം, രക്തത്തിലെ പാക്ക്ഡ് ചുവന്ന കോശങ്ങളുടെ അളവ്, കണ്ണിലെ നിറം എന്നിവ തമ്മിലുള്ള ബന്ധം മനസ്സിലാക്കി വിളർച്ച സൂചിക തയാറാക്കിയാണു പഠനം നടത്തിയത്. പഠന വിവരം വെറ്ററിനറി ഡോക്ടർമാർക്കു പകർന്നു നൽകാൻ സംവിധാനം ഒരുങ്ങുന്നതായി വെറ്ററിനറി പരാദ വിഭാഗത്തിലെ ഡോ. കെ. ശ്യാമള പറഞ്ഞു. പരാദവിഭാഗം മുൻ മേധാവി ഡോ. കെ. ദേവതയുടെ കീഴിലായിരുന്നു ഗവേഷണം. 

English summary: Eye card developed by a Kerala Professor detects worm infection in goats