കൈവശഭൂമിക്ക് അതിരുവേലിയിടാമോ?
Mail This Article
? വർഷങ്ങൾക്കു മുൻപ് ഞാൻ 22 സെന്റ് സ്ഥലം തീറാധാരമായി വാങ്ങി. വസ്തുവിന്റെ ഉടമ അതിനോടു ചേർന്ന് കൈവശം വച്ചിരുന്ന 6 സെന്റ് സ്ഥലം കൂടി വാങ്ങിയാലേ വസ്തു തരികയുള്ളു എന്നു പറഞ്ഞിതിനാൽ അതും വാങ്ങേണ്ടിവന്നു. അയൽക്കാരുടെ ആടുമാടുകളുടെ ശല്യം കാരണം വസ്തുവിന് മുള്ളുവേലി ഇടണമെന്നുണ്ട്. കൈവശഭൂമി ചേർത്ത് വേലി കെട്ടുന്നതിന് റവന്യുവകുപ്പിന്റെ എതിർപ്പ് ഉണ്ടാകുമോ. ഈ ഭൂമിയിൽ നിർമാണം സാധിക്കുമോ.
പി. ദിവാകരൻ, വെൺമണി
കൈവശാനുഭവത്തിലുള്ള ഭൂമി മുള്ളുവേലി കെട്ടി സംരക്ഷിക്കുന്നതിന് നിങ്ങൾക്ക് അവകാശമുണ്ട്. റവന്യുവകുപ്പിന്റെ എതിർപ്പുണ്ടാകുമോ എന്നു ചോദിച്ചിരിക്കുന്നു. നിങ്ങളുടെ കൈവശമുള്ള 6 സെന്റ് ഭൂമി സർക്കാർ പുറമ്പോക്കാണോ എന്നും പുറമ്പോക്കാണെങ്കിൽ ഭൂമി ഏത് ഇനത്തിൽപ്പെടുമെന്നും നിങ്ങളും മുൻഗാമിയും എത്രകാലം തുടർച്ചയായി കൈവശംവച്ച് പോരുന്നുവെന്നും റവന്യുരേഖകളിൽ ഈ ഭൂമി ഏതു വിഭാഗത്തിൽപ്പെടുമെന്നും മറ്റും വിശദവിവരങ്ങൾ അറിഞ്ഞാല് മാത്രമേ ഉത്തരം പറയാനാവൂ. അഭിഭാഷകനുമായി ആലോചിച്ച് തീരുമാനിക്കുക.