ശത്രുക്കളിൽനിന്ന് രക്ഷപ്പെടാൻ ചെറുതേനീച്ചകളുടെ മെഴുകുവിദ്യ
Mail This Article
ശത്രുക്കളിൽനിന്ന് രക്ഷനേടാൻ ഓരോ ജീവിക്കും പ്രകൃതി ഓരോ മാർഗം കനിഞ്ഞു നൽകിയിട്ടുണ്ട്. ഏപ്പോഴും കർമനിരതരായിരിക്കുന്ന ഇത്തിരിക്കുഞ്ഞൻ തേനീച്ചകൾക്കും പ്രകൃതി അത്തരത്തിലൊരു വരദാനം നൽകിയിട്ടുണ്ട്. തേനീച്ചക്കൂട്ടിലേക്ക് അതിക്രമിച്ചു കയറാൻ ശ്രമിക്കുന്ന ഉറുമ്പ് പോലെയുള്ള ശത്രുക്കളെ കൂടിന്റെ കവാടത്തിൽത്തന്നെ തടയാൻ ചെറുതേനീച്ചകൾക്കു കഴിയും. അതിന് അവർ ഉപയോഗിക്കുന്നത് മെഴുകാണ്. പ്രകൃതിയിൽനിന്നെടുക്കുന്ന പശയോ അല്ലെങ്കിൽ അവർ സ്വയം ഉൽപാദിപ്പിക്കുന്ന മെഴുകോ ആണ് ശത്രുക്കളെ നേരിടാൻ ചെറുതേനീച്ചകൾ ഉപയോഗിക്കുക. അവയുടെ കൂടിന്റെ കവാടം ശ്രദ്ധിച്ചാൽ വെളുത്ത പൊട്ടുകൾ പോലെ ഇത്തരത്തിൽ ശ്രത്രുക്കളെ നേരിടാൻ ഉപയോഗിച്ച പശ നമുക്ക് കാണാനും കഴിയും.
കൂട്ടിലേക്കു കടക്കാൻ ശ്രമിക്കുന്ന ഉറുമ്പുകളെ മെഴുക് ഉപയോഗിച്ചു തടയുന്ന ചെറുതേനീച്ചകളുടെ വിഡിയോ കാണാം. പാലക്കാടുള്ള അമൃതം ചെറുതേനീച്ച കർഷക സമിതിയാണ് ഈ വിഡിയോ ഫേസ്ബുക്കിൽ പങ്കുവച്ചത്.