തക്കാളിക്കായ്കള്‍ ചീയുന്നു; കാരണവും പ്രതിവിധിയും

തക്കാളി നട്ട് കായ്കള്‍ പിടിക്കുമ്പോള്‍ അവയുടെ അടിവശത്തു കറുത്ത നിറത്തില്‍ വലിയ പാടുകള്‍ വന്നു ചീഞ്ഞുപോകുന്നു. കാരണമെന്ത്? പരിഹാരമെന്താണ്?

മണ്ണില്‍ ദ്വതീയ മൂലകങ്ങളുടെ കുറവു മൂലം പച്ചക്കറികളില്‍ ഉണ്ടാകുന്ന രോഗമാണിത്. ബ്ലോസം എന്‍ഡ് റോട്ട് എന്ന ഈ രോഗത്തിനു കാരണം കാത്സ്യത്തിന്റെ കുറവാണ്. തക്കാളിയില്‍ കായ്കളുടെ അടിവശം കറുത്ത് കായ് ക്രമേണ ചീയുന്നു. മറ്റു ചില ചെടികളില്‍ പുതിയ ഇലകള്‍ തടിച്ചു കുറുകുന്നു. മണ്ണില്‍ സെന്റിന് 2 കിലോ എന്ന തോതില്‍ കുമ്മായമോ ഡോളമൈറ്റോ ചേര്‍ത്ത് നന്നായി മണ്ണിളക്കി ഒരാഴ്ച കഴിഞ്ഞ്   പച്ചക്കറിക്കൃഷിയിറക്കുന്ന പക്ഷം രോഗസാധ്യത ഒഴിവാക്കാം.  കൃഷിയിറക്കിയ ഉടന്‍ കുമ്മായമോ ഡോളമൈറ്റോ മണ്ണില്‍ ചേര്‍ത്താലും ഇത്തരം ലക്ഷണങ്ങള്‍ പച്ചക്കറികളില്‍ കാണാം. ഇതിനെതിരെ കാത്സ്യം നൈട്രേറ്റ് 3 ഗ്രാം ഒരു ലീറ്റര്‍ വെള്ളത്തില്‍ കലര്‍ത്തി ചെടികളുടെ ഇലകളില്‍ തളിച്ചുകൊടുക്കണം. ഫെര്‍ട്ടിഗേഷനായാണ് വളം നല്‍കുന്നതെങ്കില്‍  കാത്സ്യം നൈട്രേറ്റ് ഡ്രിപ് വഴിയും നല്‍കാം. 

English summary: Blossom-end rot of tomato