ഫോളിക് ആസിഡ് ലഭ്യമാക്കുന്ന ഭക്ഷണങ്ങൾ ഇവയാണ്... ഹൃദയത്തിനു കരുത്ത്

folic-acid
SHARE

ഫോളിക് ആസിഡ് അഥവാ വൈറ്റമിൻ B9. ശരീരത്തിന്റെ പല പ്രവർത്തനങ്ങൾ‌ക്കും ഇവ അത്യന്താപേക്ഷിതമാണ്. കോശങ്ങളുടെ പ്രവർത്തനത്തിന്, ഡിഎൻഎ ഉൽപാദനം, അമിനോ ആസിഡ് മെറ്റബോളിസം എന്നിവയ്ക്കെല്ലാം ഫോളിക് ആസിഡ് വേണം. ശരീരം ഇതു സൂക്ഷിച്ചു വയ്ക്കാത്തതുകൊണ്ട്, എല്ലാ ദിവസവും ശരീരത്തിന് ആവശ്യമായ ഫോളിക്‌ ആസിഡ് നാം കഴിക്കണം.   

ഗർഭകാലത്ത് ഭ്രൂണത്തിന്റെ നട്ടെല്ലിന്റെയും നാഡീകോശങ്ങളുടെയും ശരിയായ വളർച്ചയ്ക്ക് ഫോളിക് ആസിഡ് ആവശ്യമാണ്. തലച്ചോറിൽ പ്രവർത്തിക്കുന്നതുമൂലം ഫോളിക് ആസിഡിന് വാർധക്യത്തെ അകറ്റിനിർത്താൻ സാധിക്കുമെന്നു പഠനങ്ങൾ. ചുരുക്കിപ്പറഞ്ഞാൽ തലച്ചോറിനു ചെറുപ്പം പകരും, ഡിപ്രഷനും വാർധക്യസഹജമായ ഓർമക്കുറവും അകറ്റും.

വിളർച്ച അകറ്റാനും ശരീരത്തിന്റെ രോഗപ്രതിരോധശേഷി കൂട്ടാനും ഫോളിക് ആസിഡ് ഉത്തമമാണ്. രക്തത്തിൽനിന്ന് ഹോമോസിസ്റ്റീൻ എന്ന വിഷാംശമുള്ള വസ്തുവിനെ നീക്കം ചെയ്യാനും ഹൃദയത്തിനു ശക്തിപകരാനും ഫോളിക് ആസിഡ് വേണം. ട്രൈഗ്ലിസറൈഡുകളുടെ അളവു കുറച്ചു പ്രമേഹം കുറയ്ക്കാനും ഡിഎൻഎയുടെ അറ്റകുറ്റപ്പണിക്കും ചിലയിനം കാൻസറുകൾ അകറ്റാനും ഫോളിക് ആസിഡിനു സാധിക്കും.

ചീര, കാബേജ്, കോളിഫ്ളവർ, മുട്ടമഞ്ഞ, തൊലിയോടുകൂടിയ ഉരുളക്കിഴങ്ങ്, പയർവർഗങ്ങൾ, ലെറ്റൂസ്, കരൾ (ഗർഭിണികൾ കരൾ കഴിക്കരുത്), പഴങ്ങൾ, പാൽ, ഓറഞ്ച്, ഗ്രീൻപീസ്, സൺഫ്ളവർ സീഡ്സ്, ഗോതമ്പു റൊട്ടി തുടങ്ങിയവയിലെല്ലാം ധാരാളം ഫോളിക് ആസിഡ് ഉണ്ട്. ഇലക്കറികൾ അധികം വേവിച്ചാൽ ഫോളിക് ആസിഡ് നഷ്ടപ്പെടും.

ആവശ്യത്തിന് ഫോളിക് ആസിഡ് കഴിക്കാത്തവരിൽ അതിന്റെ കുറവുമൂലമുള്ള വിളർച്ച ഉണ്ടാകും. ശരീരത്തിന്റെ പലഭാഗങ്ങളിലേക്കും ഓക്സിജൻ എത്തിക്കാൻ ആവശ്യമായ ചുവന്ന രക്തകോശങ്ങൾ ഉണ്ടാകുന്നതിൽ കുറവുവരും. അതുകൊണ്ടു തന്നെ ഗർഭിണികളും പാലൂട്ടുന്ന അമ്മമാരും ഫോളിക് ആസിഡ് സപ്ലിമെന്റുകൾ കഴിക്കുകയും വേണം.

ആപ്പിൾ & കാബേജ് സാലഡ്

ചേരുവകൾ

1. ആപ്പിൾ– ഒന്ന്, അരിഞ്ഞത്

കാബേജ് അരിഞ്ഞത്– രണ്ടുകപ്പ്

ഈന്തപ്പഴം പൊടിയായിഅ രിഞ്ഞത് – രണ്ടു വലിയ സ്പൂൺ

2. തൈര്– ഒരുകപ്പ്

കടുകുപൊടി– ഒരു ചെറിയ സ്പൂൺ

കുരുമുളകുപൊടി – ഒരു ചെറിയ സ്പൂണ്‍

ഉപ്പ്– പാകത്തിന്

3. ഫ്ളാക് സീഡ് – രണ്ടു വലിയ സ്പൂൺ

പാകം ചെയ്യുന്നവിധം

  • ഒരു ബൗളിൽ ഒന്നാമത്തെ ചേരുവ യോജിപ്പിച്ചുവയ്ക്കുക.
  • രണ്ടാമത്തെ ചേരുവ യോജിപ്പിച്ചു നന്നായി അടിച്ചശേഷം കാബേജ് മിശ്രിതത്തിൽ ചേർത്തു നന്നായി യോജിപ്പിക്കണം.
  • വിളമ്പാനുള്ള പാത്രത്തിലാക്കി ഫ്ളാക് സീഡ് വിതറി ഉടൻ വിളമ്പാം.
  • കാരറ്റ്, വെള്ളരിക്ക, വോൾനട്ട്, നിലക്കടല, ഇളംചീരയില എന്നിവയും ചേർക്കാം.

English summary: What Foods Contain Folic Acid?

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
Video

വലവിരിച്ച് ചൈനീസ് ചാരക്കപ്പൽആശങ്കയോടെ ഇന്ത്യ

MORE VIDEOS