sections
MORE

ആടുകൾക്ക് തളർവാതം

HIGHLIGHTS
  • കണ്ണിലെ കൃഷ്ണമണിയുടെ പിടയൽ, തല ഒരു വശത്തേക്കു തിരിക്കൽ, കാഴ്ചക്കുറവ് രോഗലക്ഷണങ്ങളാണ്
goat
SHARE

എന്റെ രണ്ടു വയസ്സുള്ള ആട് നടക്കുമ്പോൾ ഒരു വശത്തേക്ക് ചരിഞ്ഞുപോകുമായിരുന്നു. പിന്നീട് ആട് കിടന്നുപോയി. ഒരു വശം ചേർന്നു കിടക്കുന്ന ആടിനെ മറിച്ചു കിടത്തിയപ്പോൾ അത് പിടഞ്ഞു പഴയപടിയാകുന്നു. എന്താണ് അസുഖം, ചികിത്സയെന്ത്, എങ്ങനെ ഈ അസുഖം വരുന്നതു തടയാം.

വർഗീസ് മാത്യു, ഹരിപ്പാട്.

ആടുകളിൽ വൈറ്റമിൻ ബി, കാൽസ്യം, മഗ്നീഷ്യം എന്നിവയുടെ കുറവു മൂലം തലച്ചോറിലുണ്ടാകുന്ന ക്ഷതങ്ങൾ നാഡീഞരമ്പുകളെ തളർത്തുന്നതുവഴിയുണ്ടാകുന്ന PEM (പെം–പോളിയോ എൻസഫലോ മലേഷ്യ) എന്ന തളർവാതമാണിത്. കണ്ണിലെ കൃഷ്ണമണിയുടെ പിടയൽ, തല ഒരു വശത്തേക്കു തിരിക്കൽ, കാഴ്ചക്കുറവ് എന്നിവയും രോഗലക്ഷണങ്ങളാണ്.

രോഗലക്ഷണങ്ങള്‍ കണ്ടാൽ ഉടൻതന്നെ ജീവകം ബി– ഒന്ന് അടങ്ങിയ കുത്തിവയ്പ് ഞരമ്പിലൂടെയും പേശിയിലൂടെയും നൽകണം. ഇതു ചെയ്താൽ ആടു കിടപ്പാകാതിരിക്കും. കാൽസ്യം, മഗ്നീഷ്യം എന്നിവ അടങ്ങിയ ടോണിക്കുകൾ – നാഡീഞരമ്പുകളെ ഉത്തേജിപ്പിക്കുന്ന NEUROBION FORTE ഗുളിക എന്നിവ തീറ്റയിലൂടെ നൽകി രോഗബാധ ഒഴിവാക്കാം. 

ഉത്തരങ്ങള്‍ തയാറക്കിയത്,

ഡോ. സി. കെ ഷാജു, പെരുവ

സീനീയർ വെറ്ററിനറി സർജൻ, 

വെറ്ററിനറി ഹോസ്പിറ്റൽ, കോഴ, ഫോൺ:9447399303

MORE IN PETS AND ANIMALS
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA