പരിപാലനം നന്നായാൽ കിടാവും നന്നാകും; പിറന്നയുടന് പൈക്കിടാവിനെ എങ്ങനെ പരിപാലിക്കണം?
Mail This Article
പശു പ്രസവിച്ച് ആദ്യത്തെ ഒരു മണിക്കൂർ സമയത്തെ പരിചരണം പിന്നീടുള്ള അതിന്റെ ജീവിതത്തെ സ്വാധീനിക്കും. അതിനാലാണ് ഈ സമയത്തെ സ്വർണ മണിക്കൂര് (ഗോൾഡൻ ഹൗർ) എന്നു വിളിക്കുന്ന ത്. ആദ്യം മൂക്കും മുഞ്ഞിയും തുടച്ച് ശ്വാസോച്ഛ്വാസം സുഗമമാക്കുക. കിടാവിനെ നന്നായി നക്കിത്തുടയ്ക്കാൻ പശുവിനെ അനുവദിക്കുക. പൊക്കിൾക്കൊടി ഭാഗം ഒരു നൂൽ ഉപയോഗിച്ചു കെട്ടി ടിംച്ചർ അയോഡിൻ ലായനിയിൽ അര മിനിറ്റ് മുക്കിവയ്ക്കുക. ഇതു കിടാക്കളിലെ അണുബാധ തടയും. 12 മണി ക്കൂറിനു ശേഷം ഇതാവർത്തിക്കുക. ജനിച്ച് ആദ്യത്തെ 2 മണിക്കൂറിനുള്ളിൽ കിടാവ് 2 ലീറ്റർ കന്നിപ്പാൽ കുടിച്ചിരിക്കണം. ഇത് ഉറപ്പാക്കാൻ കറന്നെടുത്തു പ്രത്യേക പാത്രത്തിൽ നൽകാം. രോഗം വരാതെ സൂക്ഷിക്കുന്ന ഇമ്യൂണോ ഗ്ലോബുലിൻ ലഭിക്കാൻ ഇതാവശ്യം. ജനിച്ച് 7-10 ദിവസത്തിനുള്ളിൽ ആദ്യ ഡോസ് വിരമരുന്നു നൽകുക. ആവശ്യാനുസരണം പാലും 2 മാസം മുതൽ കിടാക്കൾക്കായി കാഫ് സ്റ്റാർട്ടർ തീറ്റയും നൽകണം.
English summary: Care of New Born Calf