വിണ്ണിലെ ദിവ്യത്രിത്വത്തെയും മണ്ണിലെ ഭവ്യത്രിത്വത്തെയും ഒരു 'അത്താഴ'ത്തിലെ ഉപദംശത്തിന്റെ ചേരുവകളെപ്പോലെ അരച്ചുചേർത്തൊന്നാക്കുന്ന ചട്ണിഫിക്കേഷൻ ശൈലിയാണ് ജലഭരദിനരാത്രങ്ങളെ നവ്യം എന്ന വിശേഷണത്തിനർഹമാക്കുന്നത്. ചങ്ങലക്കണ്ണികൾകൊണ്ടുള്ള കോർത്തിണക്കൽ ഗോൾഡ്സ്മിത്തുകളുടെ കർമ്മമാണ്. വാക്കുകളുടെ ഈ കോർത്തിണക്കൽ വേർഡ്സ്മിത്തുകളുടെയും. കേളിപ്പെട്ട വേർഡ് സ്മിത്തുകൾ പൂർവികരായ വാഗ്‌വിധാതാക്കളിൽ ഏറെപ്പേരുണ്ട്, മലയാളത്തിൽ. അവരുടെ പരമ്പരയിലേക്ക് എത്തുന്ന നവാഗതനാണ് എം.എസ്. ബനേഷ്.