പച്ച മനുഷ്യരുടെ ചൂടും ചൂരും വ്യഥകളും പ്രമേയമായ നോവലാണ് ‘ഇരുളാട്ടം’. അരികുവൽക്കരിക്കപ്പെട്ട നിസ്സഹായരായ ആദിവാസികളുടെ കഠിനമായ ജീവിതവഴികൾ നോവലിസ്റ്റ് അനാവരണം ചെയ്യുന്നു. ഒപ്പം, ജീവിതപ്രശ്നങ്ങളിൽനിന്ന് ഒളിച്ചോടാൻ തീവ്ര ആത്മീയതയ്ക്ക് പുറകെപോയി അപകടത്തിൽപ്പെടുന്ന മനുഷ്യരുടെ കഥകളും. ജീവിതത്തിന്റെ കാളിമയിൽ ദിശയറിയാതെ ഇരുളാട്ടമാടാൻ വിധിക്കപ്പെട്ട ആൽബിയും ചെമ്പനും വേലുവും ചിരുതയുമുൾപ്പെടെയുള്ള ഇതിലെ കഥാപാത്രങ്ങൾ വായനക്കാരുടെ മനസ്സിനെ ആഴത്തിൽ സ്പർശിക്കും.