യോഗദർശനത്തിന്റെ പശ്ചാത്തലത്തിൽ വികസിപ്പിച്ചെടുത്ത കുണ്ഡലിനീയോഗം ഇന്ന് ബഹുവിധം ചർച്ച ചെയ്യപ്പെടുന്നുണ്ട്. പ്രസ്തുത യോഗശാസ്ത്രം ഏവർക്കും മനസ്സിലാകുന്ന ഭാഷയിൽ സുലളിതം അവതരിപ്പിക്കപ്പെട്ട ഈ ഗ്രന്ഥം സാധകലോകത്തിന് വലിയ അനുഗ്രഹമാവുന്നു.

ആരാധ്യനായ രചയിതാവ് ആചാര്യൻ ശ്രീ. സി. പി. ശാന്തിപ്രസാദ് പരിണതപ്രജ്ഞനും അനുഭൂതിസമ്പന്നനുമാണ്.

കുണ്ഡലിനീയോഗപാഠങ്ങൾ മനസ്സിലാവില്ലെന്ന മുൻവിധി തിരുത്താന്‍ ഈ ഗ്രന്ഥത്തിനു സാധിക്കും. ഓരോ മണിക്കൂറിലും നമുക്കു ലഭിക്കുന്ന ധ്യാനോന്മുഖ എട്ട് നിമിഷമെന്ന വരദാനം പ്രയോജനപ്പെടുത്താൻ ഏവർക്കും ഉത്സാഹം ഉണരും. പഞ്ചഭൂതം, നാഡീവ്യവസ്ഥ, ചക്രങ്ങൾ ഇവയുടെ വ്യാഖ്യാനം വിസ്മയകരമാണ്.