ആത്മാനുഭൂതികൾ മുതല്‍ സാമൂഹികജീവിതത്തിലെ വൈരുദ്ധ്യങ്ങളും പെൺജീവിത സങ്കീർണതകളും പ്രകൃത്യവബോധവും നിത്യജീവിത സന്ദിഗ്ധതകളും വരെയുള്ള വിപുലമായ അനുഭവവൈവിധ്യത്തിന്റെ പ്രകാശനമാണ് പ്രമീളാദേവിയുടെ കവിതകൾ. ആധുനികമായ കാവ്യകർത്തൃത്വ സ്ഥാനങ്ങൾ സൃഷ്ടിക്കുന്ന ഇവ ലിറിക്കൽ മൂഡിന് മൗലികമായ ശക്തിയും ഭാവവും നൽകുന്നു. ഒറ്റത്തംബുരുവായി പാടുന്ന ഏകതാനതയല്ല, സ്വരഭേദങ്ങളും മാറിമറിയുന്ന ഭാഷകസ്ഥാനങ്ങളും പ്രമേയവൈവിധ്യവുമാണ് ഇവിടെ കാണുന്നത്.