ജീവിതാസക്തികളുടെ തിരകൾ മരണത്തിന്റെ കരയിൽ തലതല്ലിച്ചാകുന്ന ആത്യന്തികമായ പ്രകൃതിനിയമത്തിന്റെ വെളിപാടുകഥകളാണ് മാത്യൂസിന്റെ ഓരോ രചനയും. ‘കഥകൾ പഴഞ്ചനായിരിക്കുമ്പോൾ ജീവിതം പുത്തനാക്കാനുള്ള സാധ്യതകളൊന്നും ഞാൻ കാണുന്നില്ല.’ എന്നദ്ദേഹം ചൂണ്ടിക്കാണിക്കുന്നുണ്ട്. തന്റെ കഥകളെയും ജീവിതത്തെയും ഒന്നിച്ചു പുതുക്കിപ്പണിയുന്ന വാക്കുകളുടെ തച്ചുശാസ്ത്രം തേടുകയാണ് ഓരോ രചനയിലും മാത്യൂസ് ചെയ്യുന്നത് എന്നും പറയാം.