ശാസ്ത്രവും സർഗാത്മകതയും സമന്വയിക്കുന്ന ഏകലോകത്തിന്റെ ദർശനമാണ് സി.രാധാകൃഷ്ണൻ എന്ന നോവലിസ്റ്റ് തന്റെ കൃതികളിലെല്ലാം മുന്നോട്ടു വച്ചിട്ടുള്ളത്. ഈ ദർശനം പ്രവർത്തികമാക്കുന്നതിനെക്കുറിച്ചുള്ള അന്വേഷണങ്ങളും സംവാദങ്ങളും എല്ലാ മേഖലകളിലും ശക്തമാണ്. ഇത് അനിവാര്യമാണെന്ന ചിന്തയിലേക്കാണു കാര്യങ്ങൾ നീങ്ങുന്നത്. കോവിഡ് മഹാമാരി സൃഷ്ടിച്ച സാമൂഹിക അകലവും അനിശ്ചിതത്വങ്ങളും അത്ര ശക്തമായാണ് ലോകമ്പാടുമുള്ള മനുഷ്യരെ അലോസരപ്പെടുത്തിയത്. പ്രിയപ്പെട്ടവരെ അകലങ്ങളില്ലാതെ ചേർത്തു നിർത്താവുന്ന പ്രഭാതത്തിലേക്കിനി എത്ര ദൂരം.. 2022 ലെ പ്രതീക്ഷകളെയും സാധ്യതകളെയും പറ്റി സി. രാധാകൃഷ്ണൻ മനോരമ ഓൺലൈനിനോടു സംവദിക്കുന്നു.