‘എന്റെ ഇഷ്ടവിഷയം ചരിത്രമാണ്. ചെറുപ്പം മുതലേ അച്ഛൻ ചരിത്ര പുസ്തകങ്ങൾ വാങ്ങിത്തരുമായിരുന്നു. വാങ്ങിക്കാൻ കിട്ടാത്ത പുസ്തകങ്ങൾ പ്രസാദകർക്ക് കത്തെഴുതി വരുത്തിയിട്ടുണ്ട്. സിവിൽ സർവീസ് പരീക്ഷയിൽ ചരിത്രം തിരഞ്ഞെടുത്തപ്പോഴും ആത്മവിശ്വാസം നൽകിയത് വായനയിൽനിന്നു ലഭിച്ച അറിവാണ്.’ രാജ്യാന്തര റബർ സ്റ്റഡി ഗ്രൂപ്പ് (ഐആർഎസ്ജി) ചെയർമാൻ ഡോ.കെ.എൻ.രാഘവൻ പറയുന്നു. ചെറുപ്പത്തിൽ ക്രിക്കറ്റിനോട് വലിയ പ്രിയമായിരുന്നെന്നും ആ ഇഷ്ടത്തിനു മാറ്റുകൂട്ടിയതും കളിയെ അറിയാൻ സഹായിച്ചതും പത്രവായനയായിരുന്നു എന്നും അദ്ദേഹം പറയുന്നു. രാജ്യാന്തര ക്രിക്കറ്റ് അംപയറും കമന്റേറ്ററും കൂടിയായിരുന്ന ഡോ.കെ.എൻ.രാഘവൻ വായനാദിനത്തിൽ തന്റെ വായനാനുഭവങ്ങൾ മനോരമ ഓൺലൈനുമായി പങ്കുവയ്ക്കുന്നു. എങ്ങനെയാണ് വായിക്കേണ്ടത്, എന്താണു വായിക്കേണ്ടത്? വായന നമ്മുടെ ജീവിതത്തിൽ എങ്ങനെയാണ് സഹായകരമാകുന്നത്? വാട്‌സാപ് മാറ്റി വച്ചും നമ്മൾ പുസ്തക വായനയിലേക്കു മാറേണ്ടതുണ്ടോ?
