Manoramaonline.com no longer supports Internet Explorer 8 or earlier. Please upgrade your browser.  Learn more »

'ആ നീറ്റൽ ഈ ജന്മത്ത് എന്നെ വിട്ടു പോവില്ല' കവി അയ്യപ്പനെതിരെ മീ ടൂ ആരോപണം

എ.അയ്യപ്പൻ എ. അയ്യപ്പൻ

മീ ടൂ ആരോപണത്തിൽ കുരുങ്ങി മലയാളികളുടെ പ്രീയ കവി എ. അയ്യപ്പനും. രണ്ടു പേരാണ് അയ്യപ്പനെതിരെ ആരോപണവുമായി രംഗത്തെത്തിയിരിക്കുന്നത്. ഇന്ത്യയിൽ ആകെ വീശിത്തുടങ്ങിയ മീ ടൂ കാറ്റിൽ നിരവധി വൻമരങ്ങൾ ഉലഞ്ഞിരുന്നു.

ബാല്യകാലത്ത് കവിയിൽ നിന്നു നേരിട്ട ദുരനുഭവം മീ ടു ക്യാപെയ്നിലൂടെ തുറന്നു പറഞ്ഞ് നിമ്നഗ എന്ന യുവതി രംഗത്തെത്തി. 'എന്റെ പിൻകഴുത്ത് പൊള്ളി വിയർത്തു. ശ്വാസം അടക്കി അനങ്ങാതെ കിടന്നു. മാമൻ പറഞ്ഞ പോലെ എല്ലാം പെട്ടെന്ന് കഴിഞ്ഞു. പക്ഷേ, പിൻ കഴുത്തിലെ ആ പൊള്ളൽ ഇതെഴുതുമ്പോളും വന്നു.' മീ ടുക്യാംപെയ്ന്റെ ഭാഗമായി നിമ്നഗ കുറിച്ചു.

പ്രസവം കഴിഞ്ഞ് ഒരു മാസം തികയും മുൻപേ കവിയിൽ നിന്ന് തനിക്ക് നേരിടേണ്ടി വന്ന ലൈംഗിക അതിക്രമം മറ്റൊരു പെൺകുട്ടിയും തുറന്ന് എഴുതിയിട്ടുണ്ട്. അമ്മയായി ഇരുപത്തിയഞ്ചു ദിവസം തികഞ്ഞപ്പോൾ മുതൽ കോളജിൽ പോയി തുടങ്ങിയ പെൺകുട്ടിക്ക് കോളജിൽ വെച്ച് അനുഭവിക്കേണ്ടി വന്ന അപമാനത്തെകുറിച്ച് എച്ച്മുക്കുട്ടി ആണ് മീ ടൂ വെളിപ്പെടുത്തലുമായി എത്തിയത്. 

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.